मुंबई : बाॅलिवूडचा किंग खान शाहरूखचा मुलगा आर्यन खानला ड्रगस प्रकरणात Ncb ने अटक केली आहे. त्यानंतर पुन्हा एकदा बाॅलीवडूचे ड्रग्ज कनेक्शन समोर आले. असे असूनही सिनेसृष्टी मात्र किंग खानच्या पाठीशी उभी आहे असंच दिसतं.

आज सकाळी सोशल मिडियावर अभिनेता ह्रितिक यांनी आर्यन खानसाठी एक खास पत्र पोस्ट केलं. त्यात त्यानं आर्यनला आयुष्याबाबत उपदेश केलाय. पण त्यानंतर हृतिक सोशल मिडियावर चांगलाच ट्रोल व्हायला लागलाय. आर्यनच्या ड्रग्ज घेण्याला तू संघर्ष कसा म्हणू शकतो, असा खडा सवाल ट्रोलर्सनी केलाय.

यापूर्वीही अनेक कलाकारांनी आपण किंग खानसोबत आहोत, असं जाहीरपणे सांगितलं आहे. गायक मिका सिंगनही आर्यन खानबाबत एक पोस्ट केली आहे. 'इतने बडे क्रुझमें सिर्फ आर्यन खानही घूम रहा था क्या..' असा सवाल मिका सिंगनं विचारलाय. आर्यन खानला पाठिंबा दिल्यानं बाॅलीवूडचा चुकीचा चेहरा चाहत्यांसमोर येत नाहीये ना, असा प्रश्न या निमित्तानं उपस्थित केला जातो.

Edited By - Amit Golwalkar