बिग बॉस फेम अभिनेता सिद्धार्थ शुक्लाचे निधन झाले आहे. वयाच्या 40 व्या वर्षी त्याचा मृत्यू झाला आहे. सिद्धार्थ शुक्लाच्या निधनाचे कारण अद्याप अस्पष्ट आहे. आज दुपारी १२.३० वाजता शवविच्छेदन अहवाल येणार आहे. त्यानंतरच मृत्यूचे नेमके कारण स्पष्ट होईल. छोट्या पडद्यावरचा मोठा अभिनेता म्हणून त्याची ओळख होती. कूपर हॉस्पिटलने या वृत्ताला दुजोरा दिला आहे.

बिग बॉस फेम सिध्दार्थ शुक्लाचं निधनामुळे बॉलिवूडमध्ये हळहळ व्यक्त केली जात आहे. या नवोदित अभिनेत्याच्या निधनामुळे बॉलिवूडवर शोककळा पसरली आहे. ह्रदयविकाराच्या झटक्याने Heart Attack त्याचे निधन झाल्याचे प्रथमदर्शनी सांगण्यात येत आहे.

सिद्धार्थ शुक्लाचे अनेक चाहते आहेत. त्याच्या अचानक जाण्याने सर्वांना दुःख अनावर झालं आहे. सोशल मीडियाच्या माध्यमातून व्यक्त ते दुःख करत आहेत. ट्विटरवर तर त्याच्या चाहत्यानीं दुःख व्यक्त करताना सिद्धार्थच्या आठवणींचा पाऊसच पाडला आहे.