Malaika Arora Maharashtrian Look

कायमच आपल्या फॅशनमुळे मलायका अरोरा चर्चेत राहते. गेल्या काही दिवसांपूर्वी मलायकाने आपला ४८ वा वाढदिवस दणक्यात साजरा केला. सध्या सोशल मीडियावर अभिनेत्री मलायका अरोराचा मराठमोळा अंदाज प्रचंड चर्चेत आला आहे. हा लूक तिने ‘झी मराठी पुरस्कार’ साठी केलेला आहे.

मलायकाने हा मराठमोळ्या अंदाजातला लूक नुकताच चाहत्यांसोबत शेअर केला आहे. व्हिडीओमध्ये मलायकाने कोळीन पद्धतीची साडी नेसली असून केसामध्ये गजरा, नकात नथ, कपाळाला चंद्रकोर पायामध्ये पैंजण, हातात बांगड्या घातलेला मलायकाचा मराठमोळा लूक चांगलाच व्हायरल होत आहे. मलायकाने या व्हिडीओला ‘पारंपारिक ते अधिक सुंदर’ अशा आशयाचा कॅप्शन देत हा व्हिडीओ शेअर केला आहे. अभिनेत्रीच्या या मराठमोळ्या अंदाजावर चाहत्यांनी मराठीतच कमेंट करण्याचा प्रयत्न केला आहे.

मलायकाचा ‘झी मराठी पुरस्कार’ सोहळ्यामधला हा लूक प्रचंड चर्चेत आला असून तिच्या लूकचे सर्वत्र कौतुक होत आहे. गेल्या काही दिवसांपूर्वी ‘झी मराठी’च्या सोशल मीडिया पेजवर ‘झी मराठी पुरस्कार’चा प्रोमो शेअर करण्यात आला होता. यावेळी तिचा मराठमोळा लूक चर्चेचा विषय ठरला होता.

एवढंच नाही तर, मलायका आणि श्रेया बुगडे या दोघीही मंचावर बेसनाचे लाडू करताना दिसत आहे. सोबतच, तिने यावेळी मराठीमध्येही संवाद साधला. मलायका अरोराच्या कामाबद्दल सांगायचे तर, लवकरच ‘हाऊसफुल ५’ मध्ये ही ती दिसण्याची शक्यता आहे.