Salman Khan Birthday: सलमान खान आज (२७ डिसेंबर) ५७ वर्षाचा झाला आहे. सलमानने काल रात्री त्याच्या बर्थडेची ग्रँड पार्टी दिली होती. त्याच्या बर्थडे पार्टीला बॉलिवूडमधील अनेक कलाकारांनी हजेरी लावली होती. परंतु यावर्षी कतरिना कैफ त्याच्या वाढदिवसाला दिसली नाही. कतरिना आणि विकी कौशल व्हेकेशनवर गेले आहेत. मात्र कतरिनाने न विसरता सलमानला वाढदिवसाच्या शुभेच्छा दिल्या आहेत.

कतरिना आणि सलमान दोघांचं बॉन्डिंग खूपच भारी आहे. कतरिनाने सलमानला सोशल मीडियावरून शुभेच्छा दिल्या आहेत. कतरिनाने सलमानचा फोटो स्टोरीला शेअर करत लिहिले आहे की, 'टायगर, टायगर, टायगरचा बर्थडे' असं म्हणून कतरिनाने सलमानला टॅग सुद्धा केले आहे. (Katrina Kaif)

कतरिनाने सलमानचा ब्लॅक अँड व्हाईट फोटो वापरला आहे. त्याचा हा फोटो त्यांच्या टायगर या चित्रपटातील आहे. कतरीना आणि सलमान टायगर चित्रपटाच्या फ्रेंचायजीचा भाग आहेत आणि त्यांचा 'टायगर ३' या चित्रपट पुढच्या वर्षी प्रदर्शित होणार आहे. (Salman Khan)

यावर्षी सलमानच्या वाढदिवसाचे आयोजन त्याची बहीण अर्पिता खान आणि आयुष शर्मा यांनी त्यांच्या घरी केले होते. संपूर्ण ब्लॅक लूकमध्ये सलमान पार्टीला आले होते. सलमानने पापाराझीसह केक कट केला आणि तिथे उपस्थित असलेल्या सर्वांचे आभार देखील मानले. यावर्षी सलमानच्या बर्थडे पार्टीला शाहरुख खान देखील उपस्थित होता. खूप उशिरा तो पार्टीला पोचला होता. त्यानंतर सलमान आणि शाहरुखनी एकत्र बाहेर येत सलमानसोबत पोज दिल्या.