Workout Tips: आपल्या प्रत्येकाला कोणती ना कोणती अभिनेत्री आवडत असते. आपणही तिच्यासारखे दिसावे असा अट्टाहास आपल्यापैकी अनेकांचा असतो. दिवसभराच्या कामाचा ताणात आपणही फिट आणि ऊर्जावान राहावे असे प्रत्येकाला वाटते.

गुडलक जेरीची अभिनेत्री जान्हवी कपूर तिच्या वर्कआउट रूटीन आणि डाएटमुळे नेहमीच चर्चेत असते. बॉलिवूड अभिनेत्री जान्हवी कपूरने (Janhvi Kapoor) फार कमी वेळात चित्रपटसृष्टीत आपले नाव कमावले आहे. जान्हवी कपूर तिची सर्व ऊर्जा अभिनय आणि फिटनेसवर खर्च करते.

जान्हवी कपूर योगा, वर्कआउट आणि पिलेट्स करते. यासंबंधीची माहिती तिने तिच्या इंस्टाग्रामवरुन दिली आहे. जान्हवी कपूरने तिच्या नुकत्याच दिलेल्या मुलाखतीत वर्कआउट रूटीन आणि फिटनेसबद्दल सांगितले आहे. तिने सांगितले की ती योगा, पिलेट्स आणि अँटी ग्रॅव्हिटी चॅलेंज (Pilates and the Anti-Gravity Challenge) करते आणि ती तिच्या वर्कआउट सेशनबद्दल खूप उत्साहित आहे.

तिने सांगितले की गेल्या २ महिन्यांपासून ती कडक डाएटवर आहे जेणेकरून ती मिस्टर आणि मिसेस माहीची तयारी करू शकेल. जरी त्यापूर्वी ती कडक डाएटवर नव्हती तरी तिच्या खाण्यापिण्याच्या सवयी या वेगळ्या होत्या.

तसेच जान्हवी ही चांगली डान्सर देखील आहे. जान्हवी जेव्हा जिममध्ये जात नाही तेव्हा सक्रिय राहण्यासाठी ती स्विमिंग आणि जॉगिंग करते. वेट ट्रेनिंग सोबतच तिच्या आहारात ताजी फळे आणि भाज्यांचा समावेश आहे. जान्हवी कपूर दुपारच्या जेवणात ब्राऊन राइस, अंड्याचा पांढरा भाग आणि सलाड खाते. रात्रीच्या जेवणात ती उकडलेल्या भाज्या खाते.