Janhavi Kapoor And Shikhar Pahadiya Dating: दिवंगत अभिनेत्री श्रीदेवीची (Shridevi) लेक जान्हवी कपूर सध्या सोशल मीडियावर चांगलीच व्हायरल होत आहे. आईच्या निधनानंतर तिने चित्रपटसृष्टीत पदार्पण केले होते. बॉलिवूड क्षेत्रात तिने आपला ठसा अल्पावधीतच उमटवला. त्यामुळे तिच्या कामाची चर्चा बॉलिवूडमध्ये रंगलेली दिसते. सोबतच चाहते तिच्या अभिनयामुळे प्रेमात पडले आहे. नुकतीच जान्हवी दिवाळीच्या पार्ट्यांमधून पापाराझींच्या समोर आली होती.

सध्या ती पुन्हा एकदा चर्चेत आली आहे. (Janhvi Kapoor) दिवाळीनिमित्त जान्हवी आपल्या एक्स बॉयफ्रेंडसोबत दिसल्याने साऱ्यांच्याच भूवया उंचावल्या आहेत. तिचा हा व्हिडिओ सोशल मीडियावर चांगलाच व्हायरल होतोय.

करण जोहरच्या 'कॉफी विथ करण' रिअॅलिटी शोमध्ये जान्हवी आणि शिकारच्या प्रेमाचा दबक्या आवाजात उलगडा केला होता. एका चित्रपट निर्मात्याने जान्हवी आणि साराने त्याच्या इमारतीत राहणाऱ्या वीर पहारिया आणि शिखर पहारियाला (Shikhar Pahariya) डेट केल्याने चर्चा रंगली होती.

व्हायरल झालेल्या त्या व्हिडिओत जान्हवी कपूरचा एक्स बॉयफ्रेंड शिखर पहाडियासोबत पहिल्यांदाच एकत्र फिरताना दिसली. व्हायरल झालेल्या व्हिडिओत गुलाबी रंगाच्या सूटमध्ये हॉटेलच्या बाहेर येताना दिसत आहे. दरम्यान जान्हवी पापाराझींकडे पाहत हसत गाडीमध्ये जाऊन बसली.

त्यावेळी गाडीचा ड्रायव्हर तिचा एक्स बॉयफ्रेंड होता. त्यामुळे पुन्हा एकदा त्यांच्या रिलेशनची चर्चा रंगत आहे. दिवाळीनिमित्त ही जोडी एकत्र आल्याने त्यांची सोशल मीडियावर चांगलीच चर्चा होत आहे आणि सोबतच व्हिडिओही व्हायरल होत आहे.

शिखर पहारिया महाराष्ट्र राज्याचे माजी मुख्यमंत्री सुशिलकुमार शिंदे यांचा नातू आहे. मिळालेल्या माहितीनुसार, ते दोघेही एकमेकांना डेट करत असल्याची चर्चा होत होती पण नंतर त्यांनी विभक्त निर्णय घेतला होता.