Jacqueline Fernandez Mumbai Buys New Home: बॉलिवूड अभिनेत्री जॅकलिन फर्नांडिस आघाडीच्या अभिनेत्रींपैकी एक आहे. ती गेल्या काही दिवसांपूर्वी सुकेश चंद्रशेखर मनी लॉनड्रिंग प्रकरणामुळे कमालीची चर्चेत आली होती. पण यावेळी जॅकलिन एका वेगळ्याच कारणामुळे सध्या चर्चेत आली आहे. नुकतंच अभिनेत्रीने बांद्र्यात नवीन घर घेतलं आहे. सध्या तिच्या नव्या घराची व्हिडिओ सोशल मीडियावर तुफान व्हायरल होत आहे.

बॉलिवूडमधील अनेक कलाकार वांद्र्यातील पाली हिलमध्ये राहतात. काही दिवसांपूर्वी दीपिका पदुकोण आणि रणवीर सिंह यांनी सुद्धा पाली हील येथे नवीन घर घेतलं असून त्यांच्या नव्या ड्रीम हाऊसचा व्हिडीओ व्हायरल झाला होता. त्यानंतर आता त्याच परिसरात अभिनेत्री जॅकलिन फर्नांडिसने देखील नवं आलिशान घर घेतलं आहे. नुकताच तिच्या नव्या घराचा व्हिडीओ ‘विरल भयानी’ या सेलिब्रिटी फोटोग्राफरने शेअर केला आहे. तिच्या या नव्या घराचा व्हिडिओ सोशल मीडियावर तुफान व्हायरल झाला आहे.

‘टाइम नाउ’ या इंग्रजी संकेतस्थळाने दिलेल्या वृत्तानुसार, जॅकलिनचं नवं अलिशान घर हे रणबीर कपूर, करीना कपूर यांच्या घराशेजारीच आहे. तसेच जॅकलिनच्या घराच्या हाकेच्या अंतरावरच सलमान खान आणि शाहरुख खानचंही घर आहे. सध्या अभिनेत्रीने नवीन घर घेतल्यामुळे तिच्यावर अनेक चाहत्यांनी कौतुकाचा वर्षाव केला आहे.

काही मीडिया रिपोर्ट्सनुसार, जॅकलिनचं नवं अलिशान घर पाली हिलमधील नवरोज बिल्डिंगमध्ये आहे. या बिल्डिंगमध्ये सर्वांचीच घरं १११९ स्क्वेअर फूट ते २,५५७ स्क्वेअर फूट कार्पेट इतक्या एरियाची घरे आहेत. या अपार्टमेंटमध्ये सर्वच घरे ३ बीएचके आणि ४ बीएचके अशी आहेत. या अपार्टमेंटमध्ये एका घराची किंमत १२ कोटी रुपयांपासून सुरू होते. शिवाय इथे क्लब हाऊस, स्विमिंग पूल व जिम अशा अनेक महत्त्वाच्या सुविधाही आहेत.

जॅकलिनच्या वर्कफ्रंटबद्दल बोलायचे तर, लवकरच अभिनेत्री ‘फतेह’ या चित्रपटात दिसणार असून तिच्या सोबत चित्रपटात अभिनेता सोनू सूद व विजय राज हे दोन सेलिब्रिटी दिसणार आहेत. सोबतच अभिनेत्री आणखी एका चित्रपटात झळकणार आहे. आदित्य दत्तच्या ‘क्रॅक जितेगा तो जिएगा’ या चित्रपटात देखील ती प्रमुख भूमिकेत दिसणार आहे. या चित्रपटामध्ये जॅकलिनबरोबर विद्युत जामवाला व अर्जुन रामपाल हे दोन दिग्गज सेलिब्रिटी देखील दिसणार आहेत.