Riteish Deshmukh Birthday Special: अभिनेता रितेश देशमुख याच आज वाढदिवस आहे. १७ डिसेंबर १९७८ साली रितेशचा लातूर येथे जन्म झाला. रितेशच्या वाढदिवसानिमित्त सलमान खानने एक स्पेशल भेट रितेशच्या चाहत्यांना दिली आहे.

सलमान खानने त्याच्या सोशल मीडियावर एक व्हिडिओ शेअर केला आहे. इन्स्टाग्रामवर शेअर केलेल्या या व्हिडिओला सलमानने कॅप्शन दिले आहे. त्यात सलमानने म्हटले आहे की, 'भाऊचा बर्थडे आहे - रितेश देशमुख गिफ्ट तो बनता है, एन्जॉय.' (Salman Khan)

सलमानने शेअर केलेला हा व्हिडिओ रितेशचा आगामी चित्रपटातील गाण्याचा आहे. 'वेड लावलय' असं या गाण्याचे नाव आहे. सलमानने 'वेड' चित्रपटातील या गाण्याचा टीझर शेअर केला आहे. या चित्रपटामध्ये सलमान पाहून कलाकार म्हणून हजेरी लावणार आहे. सलमानने रितेशच्या बर्थडे दिवशी हे गाणे शेअर करून रितेशला आणि त्याच्या चाहत्यांना भेट दिली आहे. सलमान याआधी सुद्धा रितेश देशमुखच्या 'लय भारी' या चित्रपटातील एका गाण्यात दिसला होता. (Riteish Deshmukh)

रितेश देशमुखचा 'वेड' चित्रपट ३० डिसेंबरला प्रदर्शित होणार आहे. रितेशसह जेनेलिया सुद्धा या चित्रपटामध्ये दिसणार आहे. या चित्रपटाच्या माध्यमातून रितेश देशमुख दिग्दर्शन क्षेत्रात पदार्पण करणार आहे. तर जेनेलिया या चित्रपटाच्या माध्यमातून मराठी सिनेसृष्टीत पाऊल ठेवणार आहे.