मुंबई: आदिपुरुष चित्रपटाचा टीझर प्रदर्शित होऊन अवघे दोनच दिवस झाले असून टीझर ट्रोलर्सच्या निशाण्यावर आला आहे (Bollywood). आदिपुरुष चित्रपटात सैफ अली खान (Saif Ali Khan) रावणाच्या भूमिकेत दिसणार आहे. मात्र, सैफ अली खान रावण म्हणून लोकांना अजिबात आवडलेला नाही. सैफ अली खानच्या लूकवर प्रत्येकजण आपापल्या प्रतिक्रिया देत आहे. दरम्यान, आता रावणाच्या बिसराख गावातूनही याविरोधात आवाज उठवण्यात आला आहे. रावणाचे हे रूप दाखवून त्यांच्या धार्मिक भावना दुखावल्या गेल्याचे नोएडातील बिसरख गावातील लोकांचे म्हणणे आहे.

एका वृत्तवाहिनीने रावणाचे जन्मस्थळ असलेल्या बिसराख गावात जाऊन गावकऱ्यांचे चित्रपटाबद्दल मत जाणून घेतले होते. गावकरी म्हणतात, रावण जरी खऱ्या आयुष्यात खलनायक असला तरी तो गावकऱ्यांसाठी नायक होता. त्याच्या वडिलांच्या नावावरुन गावाचे नाव पडले होते. त्या गावात रावणाच्या वडिलांचे मंदीर ही बांधण्यात आले होते. गावकऱ्यांनी रावणाविरुद्ध बोलणाऱ्या व्यक्तींवर बंदी आणावी, अशी मागणी आहे. सोबतच चित्रपटातील रावणाचा लूक खूपच वेगळा आहे.

चित्रपटातील व्हिएफएक्सच्या वापरामुळे चित्रपटाचा आवाका बदलतो. चित्रपटात व्हिएफएक्स वापरला जातो त्यावेळी चित्रपट पाहण्यात खूप बदल होतो. गावकऱ्यांनी रावणाच्या लुकवरील झालेल्या बदलावात चित्रपटात आक्षेप घेतला आहे. धर्मावरील काही आक्षेपार्ह आशय घेतल्याने गावकऱ्यांनी चित्रपटावर बंदी आणण्याची मागणी केली आहे. रावणहा आसूरासोबतच एक देवभक्तही होता. रावण शिवभक्त असल्याचे गावकऱ्यांचे मत आहे.

चित्रपटात प्रभासने रामाची भूमिका साकारली असून क्रिती सेनन सीतेची तर ज्या भूमिकेवरुन सर्वाधिक रणकंदन होत आहे ती भूमिका म्हणजे रावणाची. रावणाचे पात्र सैफ अली खानने साकारले आहे. तर लक्ष्मणाचे पात्र सनी सिंग साकारतोय. आगामी वर्षात १२ जानेवारी रोजी IMAX आणि 3D मध्ये चाहते चित्रपट पाहू शकणार आहेत. पौराणिक शैलीत असलेला चित्रपट हिंदी, तामिळ, मल्याळम, कन्नड या भाषेत चित्रपट पाहता येणार आहे. टी-सीरीजने चित्रपटाची निर्मिती केली असून चित्रपटाचे दिग्दर्शन भूषण कुमारांचे आहे. आता चाहते, समीक्षक आणि नेटकरी 'आदिपुरुष' चित्रपटाला पसंती देतात का ? हे पाहणे औत्सुक्याचे ठरणार आहे.

Edit By: Chetan Bodke