मुंबई: सर्वात जास्त कलाकार मंडळी चर्चेत येतात तो शो म्हणजे 'बिग बॉस'. (Bigg Boss) बॉलिवूडमधील (Bollywood) अनेक कलाकार मंडळी 'बिग बॉस'मुळे खूप प्रसिद्ध होतात आणि त्यांच्यावर नेटकरी चांगलीच टीकेची झोडही उठवतात. लवकरच 'बिग बॉस' चा १६ वा सीझन प्रेक्षकांच्या भेटीला येणार आहे. या कार्यक्रमामध्ये सूत्रसंचालनाची जबाबदारी बॉलिवूडचा दबंग अभिनेता सलमान खानच करणार आहे. (Bigg Boss 16 Marathi News)

हे देखील पाहा -

मिळालेल्या माहितीनुसार, 'बिग बॉस'चा १६ वा सीझन ऑक्टोबर महिन्यात सुरू होण्याची शक्यता आहे. अजूनही 'बिग बॉस'ची तारीख गुलदस्त्यातच आहे. नेहमीच 'बिग बॉस'च्या सीझनमधील वेगवेगळ्या थीमची चर्चा होते. 'बिग बॉस'च्या १५व्या सीझनसाठी जंगलाची थीम होती. आता १६ व्या सीझनसाठी नक्की कोणती थीम असणार, याची उत्सुकता चाहत्यांमध्ये निर्माण होत आहे. 'बिग बॉस'चा १५ वा सीझन ओटीटीवर प्रदर्शित झाला होता. तसेच ओटीटीवर प्रेक्षकांनी त्याला भरभरून प्रतिसादही दिला होता. परंतू 'बिग बॉस'चा १६ वा सीझन ओटीटीवर लगेच प्रदर्शित होणार नाही. जर ओटीटीवर 'बिग बॉस'चा १६वा सीझन पाहायचा असेल, तर प्रेक्षकांना पुढच्या वर्षापर्यंतची वाट पाहायला लागू शकते.

या सीझनमध्ये कोणकोणते कलाकार हजेरी लावणार, याची उत्सुकता प्रेक्षकांमध्ये आणि चाहत्यांमध्ये चांगलीच दिसत आहे. सध्यातरी पहिले नाव जाहीर झाले आहे. तो म्हणजे, कॉमेडियन मनुवर फारूकी. 'बिग बॉस'चा १६च्या घरात कोण येणार याची सर्वांनाच उत्सुकता लागली आहे.

Edited By - Chetan Bodke