Bebika Dhurve Reveals Why Salman is single : अभिनेत्री आणि ज्योतिषी बेबीका धुर्वेने 'बिग बॉस ओटीटी २'चा होस्ट अभिनेता सलमान खान अजूनही अविवाहित का आहे हे उघड केले आहे. नुकत्याच प्रदर्शित झालेल्या भागात, फेस-रीडिंग सत्रात बेबीकाने अभिषेक मल्हान आणि जिया शंकर यांच्याशी भांडण केले. मनीषा राणी बेबीका आणि अभिषेकचे सांत्वन करण्याचा प्रयत्न करत होती आणि दोघांमध्ये मध्यस्थी करत होती.

त्यानंतर मनीषाने बेबीकाला विचारले की जियाबद्दलची तिची भविष्यवाणी खरी ठरली का ? त्यावर बेबीका धुर्वेने स्पष्ट केले की तिची भविष्यवाणी कधीही चुकत नाही.

त्यानंतर मनीषाने बेबीकाच्या ज्योतिष ज्ञानाची परीक्षा घेतली आणि सलमान खान अजूनही सिंगल का आहे, असे विचारले. मनीषाने बेबीकाला विचारले, "त्याची फसवणूक झाली हे खरे आहे का?" यावर बेबीका लगेच म्हणाली, "हो खूप भयंकर फसवणूक झाली आहे." (Latest Entertainment News)

सलमान खान सिंगल का आहे हे देखील बेबीकाने सांगितले. "सलमानला एका घर सांभाळणारी मुलगी हवी आहे. तो दिसायला जरी रफ असला तरी तो आतून सॉफ्ट आहे. त्याला घराची काळजी घेणारी, आई-वडिलांची काळजी घेणारी व्यक्ती हवी आहे आणि तो घरी आल्यावर त्याच्या दोन चांगल्या गोष्टी बोलून त्याचा दिवसभराचा ताण दूर करेल.

गेल्या काही दिवसांपासून बेबीका, आलिया सिद्दीकी आणि आकांशा पुरीसह बीबी जेलमध्ये शिक्षा भोगत होत्या. घरातील सदस्यांसोबत फेस-रीडिंग सत्र आयोजित केल्यानंतर, बाबिकाला जेलमधून मुक्त करण्यात आले.

टास्क दरम्यान, बाबिका तिच्या कठोर शब्दात तिने अभिषेक मल्हानचा बदला घेतला. बाबिका म्हणाली की मल्हान हा बुद्धिमान कंटेंट क्रिएटर आहे, पण तो इतरांच्या कंटेंटची कॉपी करतो.

बेबीका म्हणाली की तिला अभिषेकला कानाखाली मारायचे होते. बेबीकाचे बोलणे ऐकून अभिषेकला राग आला आणि दोघांमध्ये कडाक्याचे भांडण झाले. बेबीका गप्प राहणाऱ्यांमधील नाही. तिने देखील अभिषेकला भरपूर सुनावले.

अविनाश सचदेव, बेबीका धुर्वे, पलक पुरस्वानी आणि जिया शंकर हे या आठवड्यातील नॉमिनेशन लिस्टमध्ये आहेत. सीझनचा पहिला वीकेंड का वार शनिवारी म्हणजेच आज होणार आहे.