बिग बॉस मराठीचं पाचवं पर्व चांगलंच गाजलं. या पर्वातील स्पर्धकांची खेळी प्रेक्षकांच्या चांगलीच पसंतीस आली. बिग बॉसच्या घरातील अरबाज आणि निक्कीच्या नात्याची एकच चर्चा झाली. कधी भांडण तर कधी प्रेम करणारी ही जोडी बिग बॉस संपल्यानंतर देखील चर्चेत आहे. बिग बॉस मराठी संपल्यानंतर निक्की आणि अरबाज एकमेकांना भेटतात.

बिग बॉस संपल्यानंतर निक्की आणि अरबाज लाईमलाईटमध्ये आहेत. बिग बॉसच्या घरातून बाहेर पडल्यानंतर निक्कीने माध्यमांशी संवाद सांधला. यावेळी निक्कीने अरबाजच्या नात्याविषयी सांगितले. ती म्हणाली,"असं काही नाही तो खूप चांगला आहे आणि खूप हार्डवर्किंग आहे. त्याचा जो भूतकाळ होता त्यावर आम्ही बोललोय. प्रत्येकाचा भूतकाळ असतो, माझाही भूतकाळ आहे."

बिग बॉसच्या घरात निक्की आणि अरबाजच्या नात्याची चर्चा सुरू झाली. एकाच ग्रुपमधील या जोडीने प्रेक्षकांचे चांगलेच मनोरंजन केले. मात्र एकमेकांशी कायम सोबत असणारी ही जोडी चर्चेचा विषय ठरली. बिग बॉसमधून बाहेर पडल्यानंतर ही जोडी एकत्र स्पॉट होताना दिसतेय. बिग बॉस’च्या घराबाहेरदेखील निक्की आणि अरबाज एकमेकांचा हातात हात घेऊन फिरताना दिसत आहेत. एवढंच नव्हेतर दोघं एकमेकांचे फोटो आणि व्हिडीओ सुद्धा सोशल मीडियावर शेअर करत आहेत.