बिग बॉस मराठी सीझन ५ सध्या चांगलाच चर्चेत आहे. एका पेक्षा एक टास्क बिग बॉसच्या घरात सुरू आहेत. बिग बॉसची खेळी पाहून प्रेक्षकांचं चागलंच मनोरंजन होत आहे. अशातच बिग बॉसचा नवीन प्रोमो रिलीज झाला आहे.

बिग बॉस मराठीचा नववा आठवडा सुरू आहे. बिग बॉसच्या घरात प्रत्येक आठवड्याला नवीन टास्क पार पडत असतो. नुकताच बिग बॉसचा नवीन प्रोमो समोर आला आहे. ज्यामध्ये बिग बॉसच्या नवीन टास्कमध्ये वर्षाताई आणि अंकितामध्ये खेचाखेची सुरू झालेली दिसत आहे.

बिग बॉसच्या घरात आजच्या एपिसोडमध्ये लगोरीचा खेळ सुरू आहे. लगोरी खेळ खेळताना अंकिता आणि वर्षा या दोघींमध्ये चांगलीच झुंपली आहे. अंकिता वर्षाताई एकमेकांना खेळादरम्यान खेचताना दिसत आहेत. आता या खेळामध्ये नेमकं कोण जिंकणार आणि कोण हरणार हे पाहणं आजचा भागात महत्वाचं असेल.

बिग बॉस मराठीच्या घरात आता सूरज चव्हाण, अंकिता वालावलकर, धनंजय पोवार, वर्षा उसगावकर, पाडूरंग कांबळे, निक्की तांबोळी, अभिजीत सावंत, जान्हवी किल्लेकर या स्पर्धकांची खेळी दिसत आहे. काही दिवसांतच बिग बॉस मराठीचा शो प्रेक्षकांचा निरोप घेणार आहे. ६ ऑक्टोबरला बिग बॉस मराठीचा ग्रँड फिनाले होणार आहे.