'बिग बॉस मराठी ५'चे पर्व कधीपासून सुरू होणार? लाडक्या अभिनेत्याला बिग बॉस मराठी ५ चं होस्ट करताना कधीपासून पाहायला मिळणार? बिग बॉस मराठी ५ ची तारीख कधी जाहीर करणार? अशा अनेक प्रश्नांची उत्तरं आता समोर आली आहे. अखेर Bigg Boss Marathi 5 ची तारीख ठरली असून रितेश देशमुखचा नवा प्रोमो समोर आलाय.ढोलताशांच्या गजरात रितेशची धडाकेबाज एन्ट्री या प्रोमोमध्ये दाखवण्यात आली आहे प्रोमो पाहून सारेच म्हणतायत,"आररर खतरनाक".

सोशल मीडियावर भाऊचा कल्ला

प्रोमोनुसार, यंदा ढोल ताशाच्या गजरात सगळे स्पर्धक 'बिग बॉस'च्या चक्रव्यूव्हमध्ये शिरणार आहेत. जे चांगले वागणार त्यांची रितेश भाऊ वाहवाह करणार... पण जे वाईट वागणार त्यांची तो... एकंदरीत काय तर सगळ्यांची वाजणार अन् हा सीझन गाजणार.. कारण रितेश भाऊ म्हणतोय,"मी येणार तर कल्ला होणारच". रितेश या प्रोमोमध्ये बेफाम होत ढोल वाजवतानाही दिसला.'बिग बॉस' प्रेमींना नाराज न करता रितेशने नव्या प्रोमोच्या माध्यमातून यंदाच्या सीझनची तारीख सर्वांना सांगितली.

'या' तारखेपासून सुरू होणार'बिग बॉस मराठी ५'

मजा, मस्ती, ड्रामा अन् राडा असणारे बिग बॅास मराठीचे सुसज्ज आलिशान घर, 100 दिवस आणि अतरंगी स्पर्धकांचा सतरंगी प्रवास …. फक्त 15 दिवसांत सुरू होणार आहे. मराठी मनोरंजनाच्या 'BIGG BOSS Marathi'चा ग्रँड प्रीमिअर रविवारी 28 जुलैला रात्री 9 वाजता 'कलर्स मराठी'वर होणार आहे.

तारीख जाहीर झाल्याने यंदा कोणते स्पर्धक 'बिग बॉस मराठी'च्या घरात धूम करणार याकडे सर्वांचंच लक्ष लागलंय. ‘बिग बॉस मराठी'चं बिगुल आता वाजणार आणि स्पर्धकांच्या करामतींचा आता कस लागणार!!प्रत्येक आठवड्यात लागेल झटका, आणि रंगणार मनोरंजनाचा धमाका. अशक्य अशा गोष्टींनी बनलेला 'बिग बॉस मराठी'चा नवा सीझन प्रेक्षकांच्या भेटीसाठी आता सज्ज आहे.