मुंबई: बिग बॉसच्या घरात रविवारी पहिले नॉमिनेशन कार्य पार पडले (Bigg Boss). यावेळी बिग बॉसच्या घरातून डॉ. निखिल राजेशिर्केला घराबाहेर जावे लागले होते. पहिल्या दिवसापासून सुरु झालेला वाद हा मधल्या काही दिवसात सर्वच स्पर्धक विसरले होते. पण पहिले नॉमिनेशन कार्य पूर्ण झाल्यापासून पुन्हा एकदा वादाला तोंड फुटले आहे. चावडीवर महेश मांजरेकरांनी काही स्पर्धक चांगले खेळतात म्हणून त्यांची पाठ थोपटली तर काही स्पर्धक घरात नेहमी वाद घालतात म्हणून त्यांचे कान टोचले.

पहिल्यापासूनच बिग बॉस या रिअॅलिटी शोला 'वादांसाठी प्रसिद्ध' असल्याची ओळख मिळाली आहे. सोशल मीडियावर या कार्यक्रमाचा एक प्रोमो शेअर करण्यात आला आहे. त्या शेअर केलेल्या प्रोमोमध्ये सर्व स्पर्धकांमध्ये चांगलेच जुंपल्याचे दिसत आहे. दरम्यान घरातील स्पर्धक बिग बॉसने दिलेला टास्क पूर्ण करत असून यावेळी चांगलाच गोंधळ उडालेला दिसला. हा गोंधळ तेजस्विनी आणि अक्षय केळकर यांच्यात झाला. या भांडणात योगेश जाधवनेही उडी घेतली आहे. (Bigg Boss Marathi) (Marathi Entertainment News)

टास्कदरम्यान अक्षय मुलींच्या अंगावर धावून जाताना दिसत आहे. त्या मुद्द्यावरुनच तेजस्विनी आणि अक्षयच्या अंगावर धावून जाते. अक्षय आणि तेजस्विनी या दोघांमध्येही कोणत्या टास्कवरुन वाद होतो, हे आजच्या भागातच कळणार आहे. टास्कदरम्यान बिग बॉस स्पर्धकांना काय बोलणार हे आजच्या भागातच कळेल.

काल बिग बॉसच्या घरात प्रसाद आणि योगेश या दोघांमध्ये आपण जुंपलेली पाहिली. यावेळी प्रसाद योगेशला सांगतो की, 'तुझा ग्रुप असेल तर तो घेऊन तू बाजूला जा. मी काही तुला घाबरत नाही. तू आधी स्वत:चा स्टँड घे.' दरम्यान योगेश त्याला सांगतो की शांत होऊन बोल. पण त्यानंतर प्रसादने योगेशला 'चल निघ तू' म्हटल्यावर योगेशचाही पारा चढतो.

तो त्याच्याकडे धावत घेत सगळे स्पर्धक या दोघांनाही सावरायचे प्रयत्न करतात. यावेळी कोणता सदस्य घराबाहेर जाणार हे पाहणे महत्वाचे ठरणार आहे. कोण कोणाला नॉमिनेट करणार? कोण कोणाला सेफ करणार ? कोणता स्पर्धक कायमचा घराबाहेर जाणार? या सर्वांची उत्तरे आज कळणार आहेत. सध्या या प्रोमोनं साऱ्यांचीच उत्सुकता वाढवली आहे.