बिग बॉस मराठीचा शेवटचा टप्पा सुरू आहे. सध्या बिग बॉसच्या घरात फॅमिली वीक सुरू आहे. बिग बॉसच्या घरातील स्पर्धकांचे कुटुंबीय बिग बॉसच्या घरात आलेले दिसले. अशातच आता बिग बॉसचा नवीन प्रोमो रिलीज झाला आहे. बिग बॉसच्या घरात राखी सांवतची एन्ट्री झालेली पाहायला मिळत आहे. यामुळेच आजच्या एपिसोडमध्ये राखी सांवत नेमकं काय करणार आहे याकडे सर्व प्रेक्षकांचे लक्ष लागले आहे.

मागील आठवड्यापासून बिग बॉसच्या घरातील वातावरण आनंदी दिसत आहे. बिग बॉसच्या घरात आल्यापासून आपल्या परिवाराला न भेटलेल्या स्पर्धकांना आपल्या घरच्यांना पाहून आनंद झाला. अशातच बिग बॉसच्या नवीन प्रोमोमध्ये, राखी सांवत बिग बॉसच्या घरात आलेली आहे. "हॅलो बिग बॉस तुमची पहिली बायको...असं राखी म्हणतेय. पुढे राखीने निक्कीकडे निशाणा घरला तिने, निक्की सस्ती राखी सांवत आता घरात चालणारे माझंच...ठणाणा निक्की तांबोली सोडून येणार आंबोली..." असं म्हटलंय.

आता बिग बॉस मराठीच्या घरामध्ये राखी सांवतची एन्ट्री झाली आहे अशातच राखी आणि निक्की बिग बॉसच्या घरात प्रेक्षकांचे मनोरंजन करणार आहेत. निक्की तांबोळी आणि राखी सावंत बिग बॉसच्या हिंदी मध्येही दिसल्या होत्या. यावेळी या दोघी एकमेकांशी चांगल्याच भांडल्या होत्या. या दोघींमध्ये बिग बॉसच्या घरात काय राडा होईल हे पाहणं औत्सुक्याचे ठरेल.