'बिग बॉस मराठी 5' चा (Bigg Boss Marathi) आज (6 ऑक्टोबर) ग्रँड फिनाले आहे. सर्वत्र कोण उचलणार यंदा 'बिग बॉस मराठी' सीझन 5 ची ट्रॉफी याकडे सर्वांचे लक्ष लागून आहे. प्रत्येकजण आपला आवडता स्पर्धक जिंकावा यासाठी होट करत आहे.

निक्की तांबोळी (Nikki Tamboli ) हिने 'बिग बॉस मराठी 5'चा सीझन गाजवला आहे. ती घरात अनेक वेळा भांडणे आणि राडा करताना पाहायला मिळाली आहे. तसेच अरबाज आणि निक्कीच्या मैत्रीचे वारे देखील बिग बॉसच्या घरात वाहताना पाहायला मिळाले होते. अरबाज बिग बॉसच्या घरातून गेल्यावर निक्कीला खूप त्रास झाला. ती खूप रडताना पाहायला मिळाली. 300 कॉईन्स असल्यामुळे निक्कीला पहिलेच 'तिकीट टू फिनाले' मिळाले.

निक्की तांबोळी ही नंदुरबार तालुक्यातील आहे. नंदुरबारच्या लोकांचा तिला फूल सपोर्ट आहे. ती नंदुरबार तालुक्यातील रनाळे गावाची रहिवाशी आहे. तिनेचं 'बिग बॉस मराठी 5'ची ट्रॉफी जिंकावी असे गावकऱ्यांना वाटत आहे. यासाठी गावकरी पुढे सरसावले आहेत. गावकरी ढोल ताशाच्या गजरात गावात मिरवणूक काढून निक्की तांबोळीला मते देण्याचे आवाहन करत आहेत. यात काका रतिलाल तांबोळी, चुनीलाल तांबोळी, दिलीप तांबोळी यांच्यासह नातेवाईक आणि गावकऱ्यांचा समावेश आहे.

बिग बॉस मराठीच्या संपूर्ण सीझनमध्ये निक्की तांबोळीच्या नावाची चर्चा पाहायला मिळत आहे. तिच्या वडिलांनी नंदुरबार येथे शिक्षण घेतल्यानंतर ते नोकरीसाठी बाहेरगावी गेले आणि तिथेच स्थायिक झाले. गावात अनेक कार्यक्रमांच्या वेळी निक्की गावात येत असते. त्यांचे गावाला मोठे घर आहे. नंदुरबार जिल्ह्यात विविध ठिकाणी निक्की भरघोस मतांनी विजयी करण्यासाठी रॅली काढण्यात आली आहे.