Bigg Boss Marathi 4 Latest Update: 'बिग बॉस मराठी 4'मध्ये एक नवीन पर्वा पाहायला मिळणार आहे. बिग बॉसच्या घरामध्ये काल चार चॅलेंजर्सची एन्ट्री झाली आहे. हे चारही स्पर्धक बिग बॉसमधील पुरते मुरलेले खेळाडू आहते. बिग बॉस लेडी मीरा जगन्नाथ, ड्रम क्वीन राखी सावंत, आरोह वेलणकर आणि तिसऱ्या पर्वाचा विजेता विशाल निकम हे चॅलेंजर्स बिग बॉसच्या घरामध्ये आले आहेत. पहिल्याच दिवशी चॅलेंजर्सनी घरातील सदस्यांना फटकारले आहे. आता या चॅलेंजर्समध्येही वाद होताना आपल्याला दिसणार आहेत. विशाल आणि राखी यांच्यामध्ये वादाला सुरूवात झाली आहे.

बिग बॉसच्या घरातील सर्वच स्पर्धक तसे बेधडक आहेत. जे आहे ते तोंडावर असा अनेकांचा स्वभाव आहे. राखी सावंत तिच्या स्पष्ट आणि बेधडक स्वभावासाठीच ओळखली जाते. राखी कधी काय बोलेल आणि कधी काय करेल याचा नेम नाही. विशाल सुद्धा स्पष्टवक्ता आहे. त्याच्या मनात एक आणि बाहेर एक असं काही नसतं. कोणाचाही पर्वा न करणाऱ्या राखी आणि विशालमध्ये वाद झाला आहे.

कलर्स मराठीने नुकताच त्यांच्या सोशल मीडियावे एक प्रोमो शेअर केले आहे. या प्रोमोमध्ये विशाल आणि राखी या दोघांमध्ये कडाक्याचे भांडणं झाल्याचे पाहायला मिळणार आहे. घरातील दिवे बंद झाल्यानंतर राखी सावंत बिग बॉसना 'माझी कॉफी पाठवा आत', असे सांगते. त्यावर विशाल तिला म्हणतो की, तुमच्या बोलण्याने त्रास होत आहे. मॅडम झोपा आता.' यावर राखी 'तू झोप, मला सांगू नकोस' असे म्हणते. विशाल सुद्धा शांत राहत नाही. इथे अरेरावी करू नका, असे तो उत्तर देतो. राखी 'माझी मर्जी' असे विशालला सांगते. त्यावर विशालने देखील 'सगळीकडे मर्जी चालणार नाही', म्हणतो. मी कोणालाही झोपू देणारा म्हणत राखी सुरू होते. (Rakhi Sawant)

बिग बॉसच्या घरातील चॅलेंजर्समधील वाद इतर सदस्यांना किती महागात पडेल हे फक्त बिग बॉसनाच माहीत. या वादाची सुरुवात खरंतर अमृता आणि राखीच्या भांडणाने झाली आणि हा वाद विशाल आणि राखीच्या भांडणावर आला आहे. आता हा वाद किती वाढतो हे पाहणं महत्वाचं आहे. हे चॅलेंजर्स घरातील सदस्यांचा खेळ बदलणार की त्यांच्या खेळात सदस्य भरडले जाणार हे आपल्याला येत्या भागात कळणार आहे. (Bigg Boss Marathi)