मुंबई: बिग बॉसच्या चौथ्या सीझनमधील (Bigg Boss) काही सदस्य नॉमिनेट झाले आहेत. शनिवार आणि रविवारी झालेल्या चावडीवर मांजरेकरांनी (Marathi Actors) बऱ्याच स्पर्धकांना खडे बोल सुनावले. मांजरेकरांच्या चावडीनंतर स्पर्धकांच्या खेळण्यात बराच बदल दिसत आहे. खेळ सुरु होताच स्पर्धकांना नॉमिनेशनचा धडाका बिग बॉसने लावला आहे. त्यामुळे खेळताना स्पर्धकांच्या चेहेऱ्यावर खूपच भिती दिसून येत आहे. या आठवड्यात बिग बॉसच्या घरात एकूण ८ खेळाडूंना नॉमिनेट करण्यात आले आहेत. (Marathi Entertainment News)

या आठवड्यात नॉमिनेट करण्यात आलेल्या खेळाडूंमध्ये अमृता धोंगडेचा पहिला क्रमांक आहे. दुसऱ्या क्रमांकावर खली म्हणून प्रसिद्ध असलेला योगेश चव्हाणही नॉमिनेशन लिस्टमध्ये चर्चेत आहे. तसेच हॅडसम बॉय, चॉकलेट बॉय अक्षय केळकरही घराच्या बाहेर जाण्यासाठी चर्चेत आहे. पुण्याची टॉकरवडी अमृता देशमुखलाही नॉमिनेशन प्रक्रियेला सामोरे जावे लागत आहे.

तसेच आणखी काही सदस्यांचे नॉमिनेशनसाठी नावे आहेत. त्यात 'माझी तुझी रेशीमगाठ' फेम निखील राजेशिर्केचीही नॉमिनेशनसाठी निवड केली आहे. परंतू स्वत:ला सिद्ध करण्यासाठी ही त्याची सर्वात मोठी संधी म्हणता येईल. तो स्वत:ला नॉमिनेशनपासून वेगळे ठेवता येईल. रुचिरासोबत तिचा बॉयफ्रेंड रोहित शिंदेलाही नॉमिनेशन प्रक्रियेला सामोरे जावे लागणार आहे. पण ते कदाचित दोघेही सेफ होण्याची शक्यता वर्तवली जात आहे. येत्या आठवड्यात कोणता स्पर्धक घराबाहेर जाणार हे पाहणे महत्वाचे ठरणार आहे.

Edit By: Chetan Bodke