Bigg Boss Marathi 4 Latest Updates: हिंदी बिग बॉसप्रमाणे मराठी बिग बॉसचे घर स्पर्धकांमुळे बरेच चर्चेत आहे. प्रत्येक आठवड्याच्या सुरुवातीला बिग बॉस देत असलेल्या टास्कने घरात स्पर्धकांमध्ये चांगलेच खटके उडत आहेत. हे खटके असे उडतात की, खुद्द बिग बॉसलाही यामध्ये हस्तक्षेप करावा लागतो.

ज्या स्पर्धकाचे खेळताना काही चुकल्यास त्याची चुक मांजरेकर चावडीवर समाजावून सांगण्याचा प्रयत्न करतात. चावडी प्रत्येकाच्या आवडीची आहे. चावडीसाठी स्पर्धकांसोबत प्रेक्षकही आतूर असतात. नुकतीच या चावडीत अनेक स्पर्धकांच्या खेळाची मांजरेकरांनी दखल घेतली.

बिग बॉस मराठीच्या नुकत्याच झालेल्या चावडीमध्ये महेश मांजरेकरांनी किरण मानेची चांगलीच कानउघडणी केली. मांजरेकरांनी चावडीवर बऱ्याच सदस्यांची शाळा घेतली, कोण कुठे चुकले ? तर कोण बरोबर खेळले सगळ्याचा हिशोब चुकता केला.

सदस्यांच्या वर्तणुकीसाठी त्यांनी स्पर्धकांना चांगलंच सुनावले. पण यावेळेस महेश मांजरेकरांचा ओरडा नक्की कोणत्या सदस्याला मिळेल हे जाणून घेण्यासाठी प्रेक्षक खूप उत्सुक होते. किरण माने यांच्या बऱ्याच गैरसमजुती महेश मांजरेकरांनी दूर केल्या. तसेच विकासाला त्याचे खेळू दे असा सल्ला देखील दिला.

मांजरेकर किरणला बोलतात, 'मी सगळं बघतोय. इथे सगळेच खेळायला आलेत. तिथे कुणाचं वैयक्तिक भांडण नाहीये. मी काय त्यांच्यावर रोल फेकतो. तू कुणाची लायकी काढतोस? तू स्वतः काय आहेस? मी बॅग घेऊन घराबाहेर काढेन तुला'. या शब्दात मांजरेकरांनी योगेशला खडसावून सांगितले.

याचसोबत बिग बॉसच्या चावडीमध्ये VOOT चुगली बूथद्वारे आलेल्या चुगलीमुळे अक्षय आणि अपूर्वा किरण मानेवर भडकल्याचे दिसून आले तर अमृता देशमुखने देखील किरण मानेंनी केलेल्या वक्त्यावर नाराजी दर्शवली. शेवटी तो क्षण आला जो कधीच येऊ नये असे प्रत्येक सदस्याला वाटत असते. विकास आणि योगेश डेंजर झोनमध्ये आले ज्यामधून योगेश जाधवला घर सोडावे लागले.

तर दुसरीकडे बिग बॉस मराठीच्या घरामध्ये पहिली वाईल्ड कार्ड एन्ट्री झाली. पहिली वाईल्ड कार्ड एन्ट्री म्हणून स्नेहलता वसईकर बिग बॉसची स्पर्धक म्हणून खेळणार आहे. आता नव्या सदस्याच्या येण्याने घरातील समीकरण किती बदलतील ? नात्यांमध्ये काय बदल होणार ? कोण घराबाहेर जाण्याच्या प्रक्रियेत येईल आणि कोण सेफ होईल ? कोण होईल घराचा नवा कॅप्टन ? नक्कीच येणारा आठवडा खूप आव्हानात्मक आणि उत्कंठावर्धक असणार यात शंका नाही.