सध्या सर्वत्र दिवाळी सणाचा उत्साह पाहायला मिळतोय. सर्वसामान्यापासून ते सेलिब्रिटी मंडळी दिवाळी साजरी करतात. दिवाळीत एकमेकांकडे फराळ देण्यापासून ते दिवाळी पार्ट्याचे आयोजन सेलिब्रिटी करतात. अशातच दिवाळीच्या शुभ मुहुर्तावर अभिनेत्री सना मकबुलने कार खरेदी केली आहे. सनाने दिवाळीनिमित्त स्वता:लाच हटके भेटवस्तू दिली आहे.

सोशल मीडियावर सनाच्या या नवीन कारचे फोटो समोर आले आहेत. मर्सिडीज अलिशान कार दिवाळीत सनाने घेतली आहे. सोशल मीडियावर व्हायरल झालेल्या सनाच्या कारच्या फोटोंवर चाहत्यांकडून शुभेच्छांचा वर्षाव होत आहे. मर्सिडीज कार आणि सना असा फोटो शेअर केले आहेत. सनाने गुलाबी रंगाचा ड्रेस परिधान केला असून अभिनेत्रीच्या चेहऱ्यावर आनंद दिसतो आहे. सनाचे गाडी चालवतानाचे फोटो देखील शेअर झाले आहेत.

सना मकबूलने 2011 मध्ये मॉडेलिंगमधून आपल्या करिअरची सुरुवात केली होती. यानंतर तिने अनेक प्रोजेक्ट्सवर काम केले. कितनी मोहब्बत है, इस प्यार को क्या नाम दूं आणि थ्रिलर मालिका अर्जुनमध्येही काम केले आहे. सना मकबूल बिग बॉस ओटीटी तिसऱ्या पर्वाची विजेती आहे.