'बिग बॉस 18' (Bigg Boss 18 ) आता दिवसेंदिवस अधिक मनोरंजक होत जात आहे. रोज घरात नवीन भांडणे पाहायला मिळत आहेत. रेशनवरून भांडणे ही आता बिग बॉसच्या घरात रोजची झाली आहेत. विवियनच्या (Vivian Dsena) कॉफीवरून घरात महाभारत झाल्याचे पाहायला मिळत आहे.

बिग बॉसने शेअर केलेल्या व्हिडिओमध्ये विवियन आणि कशिशमध्ये (Kashish Kapoor ) मोठे भांडण होताना पाहायला मिळत आहे. विवियनची कॉफी ३ आठवड्यांपासून घरी आली नाही आहे. त्यामुळे त्याची खूप चिडचिड होताना पाहायला मिळत आहे. व्हिडिओमध्ये तुम्ही पाहू शकता की घरातील सदस्यांना रेशनची काळजी लागून राहिली आहे. तर विवियनला त्याच्या कॉफीची पडली आहे. करणवीर (Karan Veer Mehra) भडकलेल्या विवियनला बोलतो की, "जिथे तीन आठवड्यांपासून कॉफी आली नाही तिथे अजून एक आठवडा त्यात काय..."तर दुसरीकडे दिग्विजय बोलतो की, "कॉफी (Coffee ) प्यायली नाहीस तर मरणार नाही आहेस..."

कॉफीवरून विवियन आणि कशिशमध्ये तर मोठे भांडण पाहायला मिळते. कशिश विवियनला बोलते की, "कॉफी प्यायची असेल तर घराबाहेर जाऊन पी" विवियनने कॉफीवरून भांडण उकरून काढल्यामुळे घरातील सदस्य संतापलेले पाहायला मिळत आहेत. आता बिग बॉसच्या घरात हा वाद कोणत्या टोकाला जाणार आणि घरात रेशन किती येणार हे पाहणे मनोरंजक ठरणार आहे. तसेच विवियनला कॉफी मिळणार की नाही याकडे प्रेक्षकांचे लक्ष लागून आहे.