लोकप्रिय आणि तितकाच वादग्रस्त शो म्हणून चर्चेत राहिलेल्या ‘बिग बॉस १७’ची प्रचंड चर्चा होत आहे. कायमच टीआरपी चार्टमध्ये अव्वल असलेल्या या शोमध्ये आपल्याला मैत्री, प्रेम आणि वादविवाद पाहायला मिळत आहे.
गेल्या काही दिवसांपूर्वी इशा मालविय आणि अभिषेक कुमार यांच्या लव्हस्टोरीची चर्चा होत होती. पण असे असतानाच ‘बिग बॉस’च्या घरामध्ये वाईल्ड कार्ड स्पर्धकाच्या रुपात इशाचा बॉयफ्रेंड समर्थ जुरेलने घरात एंट्री केली. त्याने एन्ट्री केली आणि ट्रोलिंगचा भडीमार होऊ लागला. (Bigg Boss)
सध्या सोशल मीडियावर ईशा आणि समर्थची एक व्हिडीओ जोरदार व्हायरल होत आहे. हा वीकेंड का वार एपिसोडमधील व्हायरल व्हिडीओ असल्याचे बोलले जात आहे. व्हिडिओमध्ये, समर्थ आणि ईशा बेडवर बसले दिसत आहे. बोलत असताना ईशा थोडीशी नाराज दिसत आहे. अचानक बोलत असताना समर्थ तिला किस करताना दिसत आहे. दोघांचाही किसिंग करतानाचा हा व्हिडीओ पाहून नेटकरी त्याला प्रचंड ट्रोल करीत आहे. (Bollywood)
व्हिडीओ पाहून नेटिझन्स हैराण झाले असून समर्थने केलेल्या या कृत्याचा सोशल मीडियावर अनेकांनी निषेध केला आहे. ‘त्यांना टेम्पटेशन आयलंडवर पाठवा’, असं एका यूजरने व्हिडीओवर कमेंट केली आहे. तर बऱ्याच जणांनी या शोची तुलना ‘लस्ट स्टोरीज’ सोबत केली आहे. तर आणखी एक युजर म्हणतो, ‘आपण हा शो स्वत: सोडू शकतो का?, ईशा तू या सीझनमध्ये चांगल्या स्पर्धकांपैकी एका स्पर्धकांमध्ये येते, पण समर्थने हा शो सोडण्याची गरज आहे. तर आणखी एकाने समर्थचे कृत्य पाहून ‘तू चुकीच्या शोमध्ये आला’असल्याचे म्हणत ट्रोल केलं. (Trolled)
ईशा मालवीय सुरुवातीपासून ‘बिग बॉस १७’च्या घरात स्पर्धक आहे, तर समर्थ जुरेलने वाईल्ड कार्ड स्पर्धक म्हणून प्रवेश केला. शोमध्ये प्रवेश केल्यानंतर समर्थने तो ईशाचा बॉयफ्रेंड असल्याचे सांगितले. सुरुवातीला ईशाने याला नकार दिला असला तरी नंतर तिने दोघेही रिलेशनशिपमध्ये असल्याचे मान्य केले. दरम्यान, नुकत्याच झालेल्या ‘वीकेंड का वार’ मध्ये सलमान खानने ईशाला समर्थ आणि अभिषेकसोबत नेमके नाते काय आहे? याबद्दलची माहिती द्यायला सांगितली होती. (Entertainment News)
अंकिता लोखंडे, विकी जैन, नील भट्ट, ऐश्वर्या शर्मा, ईशा मालवीय, अभिषेक कुमार, सनी आर्या, अनुराग ढोबळ, जिग्ना व्होरा, मुनव्वर फारुकी, फिरोज खान उर्फ खानजादी, मन्नारा चोप्रा, नवीद सोले, रिंकू धवन, अरुण श्रीकांत आणि सना रईस खान सध्या हे स्पर्धक घरामध्ये आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.