Bigg Boss 17 Week 11 Update

लोकप्रिय आणि तितकाच वादग्रस्त म्हणून 'बिग बॉस १७' कडे कायम पाहिले जाते. या शोसाठी वाद काही नवीन नाही. गेल्या काही दिवसांपूर्वी मुनव्वर फारूकी आणि मन्नारा चोप्रा यांच्यामध्ये तुफान राडा झाला होता, त्यांच्या वादानंतर 'बिग बॉस १७'च्या घरामध्ये आयेशाने वाईल्ड कार्ड म्हणून एंट्री घेतली. या सर्व घडामोडीनंतर सर्वच स्पर्धकांच्या खेळामध्ये एक नवा ट्वीस्ट आल्याचे पाहायला मिळत आहे. सध्या 'विकेंड का वार' सुरु आहे. सध्या सोशल मीडियावर कोणता स्पर्धक 'बिग बॉस १७'च्या घरातून बाहेर जाणार याची चर्चा होत आहे. (Bigg Boss)

नुकतंच एक्स (ट्वीटर)वर बिग बॉसचं फॅनपेज असणाऱ्या 'द खबरी'ने दिलेल्या माहितीनुसार, या 'विकेंड का वार'मध्ये कोणताही स्पर्धक घराबाहेर जाणार नाही. त्यांनी या बद्दलची माहिती सोशल मीडिया प्लॅटफॉर्म एक्स (ट्वीटर)वर दिलेली आहे. " 'विकेंड का वार' अपडेट... फायनली प्रेक्षकांवरील अत्याचार संपले आहेत. एमजी संपला, प्रवास संपला." अशी माहिती त्यांनी स्वत: दिलेली आहे. नेमकं यंदाच्या विकेंडला कोणाला बाहेर काढलेय, याबद्दलची माहिती समोर आलेली नाही. (Tv Serial)

यंदाच्या आठवड्यामध्ये, नील भट्ट, रिंकू धवन, आयशा खान आणि अभिषेक कुमार यांच्यापैकी एक सदस्य बाहेर जाण्याची शक्यता आहे. नुकतंच आणखी एका फॅनपेजने दिलेल्या माहितीनुसार, यंदाच्या आठवड्यामध्ये रिंकू धवन बाहेर जाण्याची शक्यता आहे. नेमकं येत्या आठवड्यामध्ये 'बिग बॉस १७' च्या घरातून कोण बाहेर जाणार ? हे पाहणं औत्सुक्याचं ठरणार आहे. गेल्या काही दिवसांपूर्वी वाईल्ड कार्ड म्हणून घरात आलेली आयेशा मध्येच आपला खेळ सोडून बिग बॉसचं घर सोडून जाण्याची शक्यता आहे. (Bollywood)

आयेशाचं आणि मुनव्वरचं गेल्या आठवड्यात जोरदार भांडण झालेलं आपण सर्वांनी पाहिलं आहे. यावेळी भांडणामध्ये आयेशाने मुनव्वरवर गंभीर आरोपही केलेले आपण पाहिले. यंदाच्या 'विकेंड का वार' मध्ये जोरदार वाद पाहायला मिळणार आहेत. यावेळी सलमान प्रत्येक स्पर्धकाची चांगलीच शाळा घेणार असून अनेकांची त्यांच्या परफॉर्मन्सवरुनही कान उघडणी केलेली आहे. येत्या महिन्यामध्ये 'बिग बॉस १७'चा ग्रँड फिनाले होणार असल्याची सध्या सोशल मीडियावर चर्चा सुरू आहे. (Entertainment News)