बिग बॉस फेम,रॅपर एमसी स्टॅन कायमच चर्चेत असतो. एकापेक्षा एक हीट रॅपर साँग्समुळे एमसी स्टॅन लोकप्रिय झाला. केवळ देशभरातच नाही तर जगभरात एमसी स्टॅनची फॅनफॉलोविंग आहे. सोशल मीडियावर चर्चेत असणारा एमसी स्टॅन सध्या कुठे आहे याबाबतच्या चर्चांना उधाण आले आहे.

सोशल मिडिया व्हायरल होत असलेल्या पोस्टमध्ये एमसी स्टॅन सध्या हरवल्याची माहिती मिळाली आहे. एमसी स्टॅनचा फोटो आणि त्याखाली "मिसिंग" अश्या कॅप्शनचे पोस्ट विविध ठिकाणी लावण्यात आले आहे. अमरावती, सूरत, नाशिक, पनवेल. मुंबई या ठिकाणी एमसी स्टॅन हरवल्याचे पोस्टर लावले आहेत. यामुळे एमसी स्टॅनच्या चाहत्यांना धक्का बसला आहे. सोशल मीडियावर एमसी स्टॅन हरवल्याच्या पोस्टवर नेटकऱ्यांकडून प्रतिक्रिया आल्या आहेत. अनेकांनी हा एक पीआर स्टंट असू शकतो असं म्हटलं आहे.

एमसी स्टॅन हा एक सुप्रसिद्ध रॅपर आहे. एमसी स्टॅनने त्याच्या रॅपिंग स्टाईलने प्रेक्षकांची मने जिंकली. अनेक रिअॅलिटी शोमध्ये एमसी स्टॅनने सहभाग घेतला आहे. याशिवाय बिग बॉस सीझन 16 मध्ये एमसी स्टॅन दिसला होता. बस्ती का हस्ती, तडीपार या हिट साँग्समुळे एमसी स्टॅनने प्रेक्षकांची मने जिंकली आहेत.