Shiv Thakare Meet Madhuri Dixit: ‘बिग बॉस १६’ फेम शिव ठाकरे सध्या सोशल मीडियावर कमालीचा सक्रिय आहे. शिव ठाकरे लवकरच ‘खतरों के खिलाडी १३’ मध्ये सहभागी होणार आहे. ‘बिग बॉस १६’मध्ये टॉप ५ मध्ये असताना शिव ठाकरेने खतरों के खिलाडीसाठी दिलेल्या ऑडिशन मध्ये त्याची निवड सुद्धा झाली होती. त्याने एका शो साठी जवळपास अनेक लाखोंचे मानधन आकारले आहे. ‘खतरों के खिलाडी १३’मुळे सर्वाधिक चर्चेत असलेल्या शिवच्या आयुष्यात एक खास गोष्ट घडली असून त्यामुळे त्याच्या आनंदाला उधाण आलंय.

शिवला नुकतंच ग्लोबल एक्सेलेन्स अवॉर्ड २०२३मध्ये बॉलिवूडची धकधक गर्ल माधुरी दीक्षितच्या हस्ते ‘People’s Choice Reality TV Star’ हा पुरस्कार मिळाला. पुरस्कार मिळाल्यानंतर शिव ठाकरे पुरता भारावून गेलाय. शिवने फोटो पोस्ट करत सोशल मीडियाच्या माध्यमातून भावना व्यक्त केल्या आहेत. शिव पोस्टमध्ये म्हणतो, “माधुरी दीक्षितच्या चित्रपटासाठी तिकीटाच्या रांगेत उभे राहण्यापासून....तिच्याकडून ‘पीपल्स चॉईस रिॲलिटी टीव्ही स्टार’ पुरस्कार मिळवण्यापर्यंत!! स्वप्न खरी होतात...” अशी भावना यावेळी शिव ठाकरेने व्यक्त केली.

नुकताच शिवचा पुढचा सिनेकारकिर्दितला प्रवास सुरू झाला आहे. लवकरच शिवचा ‘खतरों के खिलाडी १३’मधला प्रवास सुरू होणार आहे. यावेळी त्याने शोमध्ये सहभागी होण्यापुर्वी त्याच्या आईचा आणि त्याचा एक सुंदर व्हिडिओ सोशल मिडियावर शेअर केला होता. त्यात शिवची आई त्याचे औक्षण करताना दिसत आहे. शिव आता लवकरच आईचा आशीर्वाद घेत ‘खतरों के खिलाडी’चा १३ वा सिझन गाजवण्यासाठी निघाला आहे. त्या व्हिडीओवर चाहत्यांनी नक्कीच शिवच जिंकेल असा ठाम विश्वास व्यक्त केला आहे.