Bigg Boss 16 Episode Update: बिग बॉस 16 दिवसांसोबत अधिक रंजक होताना दिसत आहे. सीझनच्या सुरुवातीला असे म्हटले जात होते की प्रत्येक वळणावर घरात एक ट्विस्ट असेल, कारण यावेळी बिग बॉस स्वतः घरातील सदस्यांसोबत खेळणार आहेत. आता खेळातही असेच काहीसे पाहायला मिळत आहे. कारण या आठवड्यात बिग बॉसने कॅप्टन्सी टास्कमध्ये असा ट्विस्ट आणला की स्पर्धकांसोबतच घराचा कॅप्टन साजिद खानही नाराज झाला आहे. याशिवाय साखरेमुळे सुद्धा घरात बराच गदारोळ झाला. सोमवारच्या एपिसोडमध्ये आणखी काय खास होते, हे जाणून घेऊयात.

सोमवारची सुरुवात घरातील साखरेच्या वादाने झाली. यावेळी बिग बॉसने पाठवलेल्या सामानामध्ये त्यांनी सगळ्यांसाठी एकाच प्रकारची साखर पाठवली होती. मात्र टीना आणि कुटुंबातील इतर सदस्यांनी साखर लपवून ठेवली. प्रियांकाने अर्चनाकडे साखर मागितली तेव्हा तिने साखर देण्यास स्पष्टपणे नकार दिला. तसेच तिला टीनाकडून साखर मागण्यास सांगितले. कारण तिने साखर लपवली होती.

यानंतर प्रियांका आणि शालीनमध्ये भांडण झाले. त्यांच्या या भांडणात निमृत आणि इतर स्पर्धक देखील सहभागी झाले. दरम्यान निमृत आणि टीना चल-चल म्हणत प्रियांकाची खिल्ली उडवताना दिसले. अंकित बोलताच शिवने त्याची 'गुंगा बोला' म्हणत खिल्ली उडवली. शालीन आणि सौंदर्या यांचेही एकमेकांशी जोरदार भांडण झाले. (Bigg Boss)

सौंदर्याचे आधी शालीनशी आणि नंतर टीनाशी भांडण झाले. या भांडणामध्ये सौंदर्या टीनाच्या कमेंटवर म्हणाली, 'लोक मला स्टॉक करत आहेत'. हे ऐकून टीना म्हणाली, 'आता फक्त एवढंच उरलं आहे.' यानंतर सौंदर्या म्हणाली 'जळा-मर मला काय.' हे ऐकल्यानंतर टीनाने लगेच उत्तर दिले केली की, 'सकाळी लवकर उठतात, मेकअप करतात. तरीही त्यांचे नाव माय ग्लॅममध्ये एकदाही आले नाही.' या भांडणानंतरही सौंदर्याचा राग कमी झाला नाही. ती किचनमध्ये उभ्या असलेल्या सुंबूल आणि निमृतशी भांडायला लागली. तर निमृत सौंदर्य-गौतमच्या नात्यावर भाष्य करताना दिसली. (TV)

या आठवड्याचे कॅप्टन्सी पद मागील सर्व कॅप्टन्सीपेक्षा पूर्णपणे वेगळे होते. साजिद घराचा कॅप्टन नक्कीच झाला, पण त्याचा आनंद साजरा करण्याआधीच बिग बॉसने नवी खेळी केली. यावेळी घरामध्ये बुद्धिबळाचा डाव रंगला आहे. कॅप्टन्सी टास्कमध्ये कुटुंबातील सर्व सदस्यांना प्यादे बनवण्यात आले होते. तर साजिद खानला टुरिस्ट गाईड बनवण्यात आले होते. अॅक्टिव्हिटी भागाचे शाही राजवाड्यात रूपांतर करण्यात आले आहे. तसेच तेथे अनेक तुकडे ठेवण्यात आले आहेत. बिग बॉसने कॅप्टन साजिदला घराचा राजा बनवले आणि नंतर त्याला दोन शाही, तीन शाही कुक आणि इतर स्पर्धकांना वेस्ट म्हणून निवडण्यास सांगितले आहे. (Program)

बिग बॉसचे खास अधिकार मिळाल्यानंतर साजिद खानने शिव आणि अब्दू यांना रूम ऑफ टूमध्ये शिफ्ट केले आणि त्यांना त्याचे शाही बनविले. सुंबुल, एमसी स्टँड आणि निमृत या शाही स्वयंपाकींना नॉमिनेशन टास्कपासून सुरक्षित केले. यानंतर उर्वरित स्पर्धक 4 आणि 6 क्रमांकाच्या खोलीत गेले. साजिद खानने टीनाची निवड न केल्याने ती चांगलीच संतापली. तिने आता तिच्यापरीने खेळ खेळणार असल्याचे स्पष्ट केले आहे.