Rubina Dilaik Twins Babies

‘बिग बॉस 14’फेम रुबिना दिलैक काही दिवसांपासून तिच्या गरोदरपणामुळे चर्चेत आहे. अभिनव शुक्ला आणि रुबिना दिलैकने सप्टेंबर महिन्यात सोशल मीडियावर काही पोस्ट शेअर करत चाहत्यांना गोड बातमी दिली होती. त्यानंतर रुबिनाने चाहत्यांसोबत एक व्हिडीओ पोस्ट केला आहे.

या व्हिडीओमध्ये, जुळ्या मुलांची किंवा मुलींची आई होणार असल्याचे तिने एका मुलाखतीमध्ये सांगितले आहे. सोबतच पुढे तिने त्या मुलाखतीमध्ये अपघाताचा किस्सा सुद्धा सांगितला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

‘द ममाकॅडो शो’ या पॉडकास्ट शो ला दिलेल्या मुलाखतीमध्ये रुबिनाने सांगितले की, “आम्हाला दोघांनाही जेव्हा आम्ही आई- बाबा होणार आहेत, हे कळलं त्यावेळी काही वेळासाठी धक्काच बसला होता. आम्ही दोघेही कारमध्ये एकमेकांसोबत बोललो नाही. खरंच आम्ही आई- बाबा होणार या बातमीवर आमचा विश्वास बसत नव्हता. जवळपास तीन महिने कोणाला काही सांगू नका असे आम्हाला डॉक्टरांनी आधीच सांगितले होते. त्याप्रमाणे आम्ही कोणाला काहीही सांगितले नाही.”

“तीन महिन्यांनंतर केलेल्या सोनोग्राफीमध्ये, जुळ्या मुलांना पाहून आमचा आनंद गगनात मावेनासा झाला होता. मी दोन बाळांना जन्म देणार म्हणून खूपच आनंदित होते. सोनोग्राफी करुन आम्ही घरी परतत असताना, आमच्या कारला मागून एका ट्रकने धडक दिली होती. त्या धडकेमध्ये मला डोक्याला आणि पाठीला धक्का बसला होता. त्या धडकेनंतर मी इमरजेन्सी सोनोग्राफी करुन घेतली होती, त्यामध्ये दोन्ही बाळ सुखरुप होते. ती घटना आज आठवली तरी मला खूप भिती वाटते.” असं अभिनेत्रीने पॉडकास्टमध्ये सांगितले.

जून २०१८ मध्ये रुबिना आणि अभिनव लग्नबंधनात अडकले होते. या क्यूट कपलच्या लग्नाला पाच वर्ष झाले असून लवकरच रुबिना एका गोंडस बाळाला जन्म देणार आहे. सध्या रुबिनाला ९ वा महिना सुरु आहे. रुबिना ‘बिग बॉस १४’ची विजेती असून ‘छोटी बहू’ मालिकेतून प्रसिद्धी झोतात आली होती. तर लवकरच ती पंजाबी चित्रपटातून पदार्पण करण्यासाठी सज्ज झाली आहे. ‘चाल भज चलिए’ असे या चित्रपटाचे नाव आहे. (Latest Entertainment News)