मुंबई - बाहुबली स्टार प्रभासबद्दल एक मोठी बातमी समोर आली आहे. अभिनेत्याला रुग्णालयात (Hospital)दाखल करण्यात आले आहे. तो स्पेनमध्ये (Spain) उपचार घेत आहे. काही महिन्यांपूर्वी प्रभास आगामी चित्रपट 'सलार' च्या शूटिंगदरम्यान जखमी झाला होता. त्यांनतर त्याच्यावर उपचार सुरू असताना त्याच्यावर बार्सिलोनामध्ये शस्त्रक्रिया झाल्याची माहिती समोर आली आहे.

हे देखील पहा -

प्रभासवर ही छोटीशी शस्त्रक्रिया झाली असली तरी पुढील काही दिवस प्रभासला डॉक्टरांनी पूर्ण विश्रांती घेण्यास सांगितले आहे.अभिनेत्याच्या शस्त्रक्रियेची बातमी ऐकून त्याच्या चाहत्यांना मोठा धक्का बसला आहे. आपल्या आवडत्या सुपरस्टारला लवकरात लवकर बरे होण्यासाठी प्रार्थना करत आहेत.

14 एप्रिल 2022 रोजी प्रभासचा 'सालार' जगभरात प्रदर्शित होणार असून त्यात तो श्रुती हसनसोबत झळकणार आहे. हा चित्रपट प्रशांत नील यांनी दिग्दर्शित केला आहे. हा चित्रपट तेलुगु-कन्नड या २ भाषांमध्ये प्रदर्शित करण्यात येणार आहे.

Edited By - Shivani Tichkule