मुंबई: ओटीटीची (OTT) वाढती लोकप्रियता पाहता दिग्दर्शक प्रेक्षकांसाठी नेहमीच काही तरी वेगळे घेऊन येण्याचा प्रयत्न करत असतात. ओटीटीचा वाढता विस्तार पाहता आणि ओटीटीवर चित्रपटाची वाढती मागणी पाहता काही चित्रपट प्रदर्शित होताच पुढच्या काही दिवसांतच ओटीटीवर प्रदर्शित होत आहेत. लवकरच आणखी एक चित्रपट ओटीटीवर प्रदर्शित होणार आहे. नुकताच 'आतिथी भूतो भव:' चित्रपटाचा ट्रेलर प्रदर्शित (Atithi Bhooto Bhava Movie Trailer out) झाला आहे. चित्रपटात अभिनेता प्रतिक गांधी पुन्हा एकदा प्रेक्षकांचे मनोरंजन करण्यासाठी सज्ज झाला आहे.

दिग्दर्शक हार्दिक गज्जर (Director Hardik Gajjar) यांचा 'आतिथी भूतो भव:' हा हॉरर कॉमेडी चित्रपट (Horror Comedy) आहे. चित्रपटाची कहाणी इतर चित्रपटांपेक्षा खूप वेगळी असून मनोरंजक आहे. सोबतच चित्रपटात मनोरंजक प्रेमकथा पाहायला मिळणार आहे. श्रीकांत शिरोडकर नावाची भूमिका प्रतिक साकारत आहे. प्रतिक गांधी सोबतच चित्रपटात मुख्य भूमिकेत जॅकी श्रॉफ, शर्मिन सेगल, सुनिल शक्य, दिवीना ठाकूर हे कलाकार आहेत.

चित्रपटाविषयी अभिनेता जॉकी श्रॉफ म्हणाला, 'मी अनेक मोठ्या भूमिका केल्या आहेत. परंतु, 'आतिथी भूतो भव:' मधील माखन सिंगची भूमिका वेगळी आहे. भूताचे चित्रण करणे खूप रोमांचक होते. मला आशा आहे की प्रेक्षकांनाही तेवढाच आनंद होईल जेवढा आम्हाला चित्रपट बनवताना आनंद होत होता.' तसेच चित्रपटाविषयी प्रतिक गांधी सांगतो, ''अतिथी भूतो भव:' हा एक मनोरंजक चित्रपट आहे. कथानकाची वेगळी मांडणी असल्याने मी हा चित्रपट करायचे ठरवले. 'अतिथी भूतो भव:' हा एक हलका फुलका रोमँटिक संगीतमय चित्रपट आहे. जो प्रेक्षकांना खुर्चीवर खिळवून ठेवेल.'

चित्रपटाबद्दल दिग्दर्शक हार्दिक गज्जर म्हणतात, 'चित्रपट खरोखर माझ्या हृदयाच्या जवळ आहे. चित्रपटातील विषय महत्वपूर्ण आहे. आपले विचार व्यक्त करण्यासाठी असंख्य व्यासपीठ आहेत. तेव्हा आपल्याला आपल्या भावना व्यक्त करण्याची गरज आहे. प्रेमाची शक्ती जीवन आणि मृत्यूच्या पलीकडे असते. यावर हा चित्रपट आधारित आहे. हा चित्रपट २३ सप्टेंबरपासून ओटीटीवर प्रदर्शित होणार आहे.

Edit By- Chetan Bodke