बिग बॉस मराठी हा कार्यक्रम निक्की आणि अरबाजच्या नात्यामुळे चांगलाच चर्चेत आला आहे. बिग बॉसच्या घरातील या दोघांची खेळी सध्या प्रेक्षकांचे लक्ष वेधून घेत आहे. सोशल मीडियावर आता अरबाजची कथित गर्लफ्रेंडने पोस्ट केली आहे.

अलिकडेच, बिग बॉसच्या घरात अरबाज आणि निक्कीचं प्रेम फुलणारं असल्याची चर्चा होती. निक्की आणि अभिजीतच्या मैत्रीमुळे अरबाजने संपूर्ण घर डोक्यावर घेतलेलं. त्याने घरातील भांडी फोडलेली पाहायला मिळाली. याकारणावरून दोघांमध्ये कडाक्याचे भांडणही झाले. यानंतर सोशल मीडियावर या दोघांच्या नात्यावर अटकळ्या लावल्या जात होत्या. नुकतंच आता अरबाजची कथित गर्लफ्रेंड लीझाने सोशल मिडियावर स्टोरी पोस्ट केली आहे जी सर्वांचेच लक्ष वेधून घेत आहे.

अरबाजच्या कथित गर्लफ्रेंड लीझा बिंद्राने तिच्या अधिकृत इन्स्टाग्राम स्टोरीवर फोटो पोस्ट करत अरबाजच्या नावाचा उल्लेख केलाय तिने,'मित्रानों, प्लीज मला अरबाजबद्दल मेसेज किंवा कमेंट करू नका' असे म्हटलंय. यामुळे लिझा बिंद्रा नाराज असल्याचे स्पष्ट होत आहे.सोशल मीडियावर लिझाच्या या पोस्टमुळे बिग बॉसच्या घरातील अरबाजची खेळी लिझाला आवडत नसल्याचं समोर येत आहे.