बिग बॉस मराठीचा शो सध्या चांगलाच गाजताना दिसतो आहे. बिग बॉस च्या घरात स्पर्धकांची रंगतदार खेळी पाहायला मिळत आहे. नुकतंच बिग बॉसच्या घरातून पंढरीनाथ कांबळे हा स्पर्धक एलिमेट झाला आहे. सातव्या आठवड्यात बिग बॉसच्या घरातून अरबाज पटेल बाहेर पडला. कमी मत मिळाल्याने अरबाजला बिग बॉसच्या घराचा निरोप घ्यावा लागला.

बिग बॉसच्या घरातून बाहेर पडल्यानंतर देखील अरबाज हा चर्चेत आहे. बिग बॉसच्या घरातील अरबाज आणि निक्की हे समीकरण सर्वांनाच ठाऊक आहे. कधी भांडले तर कधी प्रेम केलं अशीही जोडी आजही चर्चेचा विषय बनली आहे. निक्की आणि अरबाज सतत एकमेकांना वेळ द्यायचे. बिग बॉसच्या घरात या दोघांची जोडीने प्रेक्षकांची मने जिंकली.

बिग बॉसच्या घरातून बाहेर पडल्यानंतर अरबाजने माध्यमांशी संवाद साधला आहे. नुकतंच दिलेल्या एका मुलाखतीत अरबाजला, कॅमेराच्यासमोर तू निक्कीला प्रपोज करशील का? असा प्रश्न विचारण्यात आला आहे. यावर अरबाजने ,"जर निक्कीला प्रपोज केले तर ते खूप स्पेशल असेल तसेच जर निक्कीला हे नातं पुढे न्यायचं असेल तर कॅमेरासमोरच प्रपोज करणार" असं म्हटलं आहे.