मराठी मनोरंजनविश्वातील प्रसिद्ध अभिनेत्री अपूर्वा नेमळेकर सध्या चर्चेत आहे. अपूर्वा मालिका अन् नाटकांमधून प्रसिद्धीझोतात आली. अपूर्वा 'रात्रीस खेळ चाले' या मालिकेतून घराघरात पोहोचली. मालिकेतील अपूर्वाची शेवंता या भूमिकेने प्रेक्षकांचे निखळ मनोरंजन केले. सध्या अपूर्वा प्रेमाची गोष्ट या मालिकेत दिसत आहे.

नुकतंच अपूर्वाने 'स्टार प्रवाह गणेशोत्सव 2024' या कार्यक्रमाला उपस्थिती लावली होती. या कार्यक्रमानिमित्त अपूर्वाने केशरी रंगाची काठाची साडी नेसली आहे. केसांत गजरा, डोक्यावर बिंदी, गळ्यात डायमंडचा मोठा हार असा लूक केला आहे जो उठून दिसतोय.

दरम्यान नुकत्याच सकाळला दिलेल्या मुलाखतीत अपूर्वाने आपण रेखाजीसारखं दिसूयात अशी संकल्पना होती. आणि ती मी पूर्ण केला आहे. गणेशोत्सवानिमित्त पारंपारिक लूक करण्याची संधी मला मिळाली आहे. असं अपूर्वाने सांगितलं आहे. अपूर्वाच्या कामाबद्दल बोलायचं तर, अपूर्वा सध्या प्रेमाची गोष्ट या मालिकेतून प्रेक्षकांचे मनोरंजन करत आहे. मालिकेत अपूर्वा खलनायिकेच्या भूमिकेत आहे.