Anupam Kher takes an auto ride in Delhi: बॉलिवूडचे दिग्गज अभिनेते अनुपम खेर त्यांच्या 'शिव शास्त्री बलबोआ' या चित्रपटामुळे चर्चेत आहेत. या चित्रपटात अनुपम खेर एका वेगळ्या अवतारात दिसणार आहे. या चियतापाटासाठी त्यांनी स्वतःला पूर्णपणे बदलले आहे.

रविवारी दिल्लीत या चित्रपटाचे स्पेशल स्क्रिनिंग आयोजित करण्यात आले होते. या स्क्रिनिंगला अनुपम ऑटोने आल्याने सर्वांनाच आश्चर्य वाटले. अनुपम खेर यांनी सोशल मीडियावर पोस्ट शेअर करत या घटनेविषयी सांगितले आहे.

अनुपम खेर यांच्या 'शिव शास्त्री बलबोआ' या चित्रपटाचे स्पेशल स्क्रिनिंग दिल्लीत आयोजित करण्यात आले होते. अनुपम त्याच्या ड्रायव्हरने त्यांना चुकीच्या थिएटरमध्ये सोडले. कार्यक्रमाला वेळेवर पोहोचण्यासाठी त्यांना ऑटोरिक्षातून प्रवास करावा लागला.

अनुपम यांनी एक व्हिडिओ सोशल मीडियावर शेअर केला आहे. या व्हिडिओमध्ये ते तो कनॉट प्लेस येथे ऑटोमधून खाली उतरताना दिसत आहे. यानंतर त्यांनी ऑटोचालकाशी हात मिळवला आणि थिएटरच्या दिशेने निघाले.

हा व्हिडिओ शेअर करत अनुपम खेर यांनी लिहिले की, 'कुछ भी हो सकता है, काल दिल्लीत माझ्या ‘शिव शास्त्री बलबोआ’ चित्रपटाचे स्पेशल स्क्रिनिंग होते. ड्रायव्हरने मला चुकीच्या थिएटरमध्ये सोडले, म्हणून मला माझ्या सूट आणि बूटमध्ये ऑटोतून प्रवास करावा लागला. जमिनीवर उतरताना खूप बार वाटलं. तसेच त्यांनी लाइफ, कुछ भी हो सक्ता है आणि हुमर असे तीन हॅशटॅग वापरले.

नेटकऱ्यांना अनुपान यांचा हा व्हिडिओ खूप आवडला आहे. अनुपम यांच्या या व्हिडिओवर चाहते कमेंट करत आहेत आणि त्यांचे कौतुक करत आहेत.

‘शिव शास्त्री बलबोआ’मध्ये अनुपम खेर यांच्यासह नीना गुप्ता, जुगल हंसराज, नर्गिस फाखरी आणि शरीब हाश्मी हे कलाकार देखील मुख्य भूमिकेत आहेत. अजयन वेणुगोपालन दिग्दर्शित या चित्रपटाचे पोस्टर रिलीज झाल्यापासूनच चाहते अनुपम खेरच्या लूकचे कौतुक करत होते. हा चित्रपट 10 फेब्रुवारीला थिएटरमध्ये प्रदर्शित होणार आहे.