Ankita Walawalkar wedding : 'बिग बॉस मराठी' फेम सोशल मिडीया इन्फ्ल्युएन्सर कोकण हार्टेड गर्ल म्हणजेच अंकिता वालावलकर लवकरच लग्न बंधनात अडकणार आहे. दसऱ्याच्या मुहूर्तावर अंकिताने तिच्या होणाऱ्या नवऱ्याची ओळख तिच्या चाहत्यांना करुन दिली. त्यानंतर जानेवारी महिन्यात लग्नपत्रिकेची झलक शेअर करत केली. आता अंकिता लवकरच लग्न बंधनात अडकणार असून लग्न सोहळ्याला तिच्या गावच्या घरी सुरुवात झाली आहे.

काल अंकिताचा मेहंदी सोहळा पार पडला यानिमित्ताने तीने सोशल मिडीयावर फोटो पोस्ट करत तिच्या होणाऱ्या नवरा कुणाल भगतसाठी भावनिक कॅप्शन लिहीले. अंकिती लिहीते,' तू अशी आहेस ,तू तशी आहेस ,तू काही करू शकत नाहीस आयुष्यात असं बोलणाऱ्या गर्दी मधे जेव्हा कोणी हे बोलतं “ तू जशी आहेस तशी फार सुंदर आहेस,तू प्रेमळ आहेस,आणि माझं तुझ्यावर प्रचंड प्रेम आहे.तू जशी आहेस तशीच कायम रहा कारण मी तुझ्या असण्यावर प्रेम करतो” तेव्हा वाटलं आयुष्याला खरा अर्थ आहे. त्याच आयुष्याची पहिली पायरी सोबत चढतोय.'

अंकिताचे हे कॅप्शन वाचून चाहते तिच्यावर प्रेमाचा वर्षाव करत आहेत. अनेक चाहते कमेंट करून तिच्या पुढील आयुष्यासाठी तिला शुभेच्छा देत आहेत. एका चाहत्याने लिहिले, अंकीता आणि कुणाल, तुमच्या नव्या प्रवासासाठी पुढील आयुष्यासाठी शुभेच्छा.

एकाने लिहिले असेच नेहमी एकमेकांसोबत राहा तर अनेकांनी हार्ट ईमोजी पोस्ट केले आहेत. अंकिता येत्या दोन दिवसात लग्न बंधनात अडकणार असून तिच्या घरी लग्नानिमित्ताने कोकणी पद्धतीने जल्लोष साजरा करण्यात येत आहे.