जगातील सर्वात महागडं लग्न म्हणजे अनंत अंबानी आणि राधिका मर्चंट (Anant Mabani Radhika Merchant Wedding) यांचं लग्न. हे लग्न गेल्या काही दिवसांपूर्वी मुंबईच्या बीकेसीमध्य पार पडलं.

दोन प्री- वेडिंग, संगीत, हळदी आणि लग्न असे हे विधी गेल्या सहा महिन्यांपासून सुरू आहेत. या कार्यक्रमासाठी बॉलिवूड, हॉलिवूड सेलिब्रिटी, क्रिकेटर्स आणि बिझनेसमन अशा वेगवेगळ्या क्षेत्रातील दिग्गज मंडळी लग्नाला उपस्थित होते.

अनंत-राधिकाची ग्रँड वेडिंग पार्टी आता लंडनमध्येही पार पडणार असल्याची सध्या चर्चा सुरू आहे. या वेडिंग पार्टीसाठी दोन महिन्यांसाठी 7 स्टार हॉटेलही बुक करण्यात आलं आहे.

द सनच्या रिपोर्टनुसार, मुकेश अंबानी यांनी या वेडिंग पार्टीकरिता दोन महिन्यांसाठी ७ स्टार हॉटेल बुक करण्यात आलं आहे. म्हणजेच हे हॉटेल अंबानींनी सप्टेंबर महिन्यापर्यंत बुक केले आहे. आता या चर्चांनंतर हॉटेलच्या मालकांचं वक्तव्य समोर आलं आहे. लंडनमध्ये अंबानी यांनी वेडिंग पार्टीकरिता दोन महिन्यांसाठी ७ स्टार हॉटेल बुक केल्याचे वृत्त खोटं आहे, असं त्या हॉटेल मालकाने सांगितले आहे.

लंडनमधील 7 स्टार स्टोक पार्क हॉटेलमध्ये अनंत- राधिकाची वेडिंग पार्टी होणार होती. पण आता हॉटेल मालकाचं वक्तव्य ऐकून सर्वच लोकं बुचकळ्यात पडले आहेत. लंडनमध्ये होणाऱ्या या पार्टीत ब्रिटनचे माजी पंतप्रधान बोरिस जॉन्सनही उपस्थित राहणार अशी चर्चा होती. 'द सन'च्या माहितीनुसार, अंबानी कुटुंबीयांनी संपूर्ण हॉटेल दोन महिन्यांसाठी बुक केले होते.

अनंत-राधिकाच्या ग्रँड वेडिंग पार्टीसाठी अंबानींनी स्टोक पार्क इस्टेट भाडेतत्वावर घेतल्याची चर्चा सुरू आहे. लंडनच्या बाहेर, बकिंग हॅमशायर येथे असलेल्या स्टोक पार्क इस्टेटमध्ये हवेली, गोल्फ कोर्स आणि टेनिस कोर्ट यांचा समावेश आहे.