Anant Ambani: उद्योगपती मुकेश अंबानी यांचा मुलगा अनंत अंबानीचा साखरपुडा मोठ्या थाटामाटात संपन्न झाला. मोठ्या जल्लोषात त्यांनी एकमेकांना अंगठी घालत एकमेकांचे प्रेम व्यक्त केले. साखरपुडा झाल्यानंतर अनेक गोष्टींची चर्चा झाली. त्यातच आणखी एका गोष्टीची चर्चा झाली ती म्हणजे, अनंत अंबनींनी घातलेले ब्रोच. त्या छोट्या ब्रोचने सर्वांचेच लक्ष आपल्याकडे वेधले.

मोठ्या थाटामाटात आणि राजेशाही थाटात संपन्न झालेल्या या कार्यक्रमात अनेक सेलिब्रिटींसह काही उद्योजकांनीही हजेरी लावली होती. या सर्वांचे फोटो हजेरी लावताच क्षणार्धातच व्हायरल झाले. तिथे ही सेलिब्रिटींच्या कपड्यांची ही चर्चा झाली.

राधिका मर्चंटने तिच्या साखरपुड्यात लोकप्रिय फॅशन डिझायनर अबू जानी आणि संदीप खोसला यांनी डिझाइन केलेला 'गोल्ड सिल्क टिश्यू घागरा' परिधान केला होता. तर मुकेश अंबानींचा मुलगा अनंत अंबानीने गडद निळ्या रंगाचा कुर्ता घातला होता. त्याच्या कुर्त्याच्या कोटवर ‘कार्टियर पँथर ब्रोच’ लावला होता.अनंतच्या कपड्यापेक्षा आणि लुकपेक्षा त्याच्या या ब्रोचची सर्वत्र चर्चा होती.

‘कार्टियर पँथर ब्रोच’ हा प्लॅटिनम आणि सोन्यापासून निर्मित केला आहे. अनंत यांच्या ब्रोचला हिऱ्यांनी मढवलेले आहे. तर या पॅंथरचे चमकणारे डोळे पाचू हिऱ्यांचे असल्याने अधिकच शोभून दिसत आहे. या ब्रोचची किंमत १ कोटी १३ लाख ५१ हजार ०८७ पासून १ कोटी ३२ लाख २६ हजार ०८५ पर्यंत असते. अनंत अंबानी याचा ब्रोचही कस्टमाइझ होता. परंतु अनंतने घातलेल्या ब्रोचची किंमत नक्की किती हे अजून समोर आलेलं नाही. त्याच्या ब्रोच किंमतही १ कोटी १३ लाख ते १ कोटी ३२ लाखांच्या दरम्यान आहे.