सातारा : "बाबूमोशाय , ज़िंदगी और मौत ऊपरवाले के हाथ है…उसे न आप बदल सकते हैं न मैं!", आनंद मरा नहीं, आनंद मरते नहीं अशा स्वरुपाचे डायलाॅग ५० वर्षाच्या काळानंतर पुन्हा एकदा प्रेक्षकांच्या कानी पडणार आहेत. बाॅलिवडूचे बिग बी म्हणजेच अमिताभ बच्चन (Amitabh Bachchan) आणि अभिनेते राजेश खन्ना (Rajesh Khanna) यांच्या आनंद (Anand) या चित्रपटाचा (movie) रिमेक (anand remake) हाेणार आहे. याची निर्मिती एन सी सिप्पी (nc sippy) यांचा नातू म्हणजेच समीर राज सिप्पी (Sameer Raj Sippy) आणि विक्रम खाखर (Vikram Khakhar) हे करणार आहेत. (Remake of Anand Latest Marathi News)

राजेश खन्ना, अभिताभ बच्चन, सुमिता सनयाल, रमेश देव, ललिता पवार यासह अन्य दिग्गज कलाकरांचा समावेश असलेला आनंद चित्रपटाने ५१ वर्ष पुणे केली. या चित्रपटातील संवाद आजही अनेकांचे ताेंडपाठ आहेत. आज तरण आदर्श (taran adarsh) यांनी आनंदच्या रिमेकबाबत ट्विट केले आहे. तसेच विक्रम खाखर यांनी काही विशेष चित्रपटांच्या यादीत आनंदचा समावेश आहे. काेविडच्या काळानंतर आनंदचा रिमेक हा सर्वांच्या आयुष्यातील आनंद वाढवेल असे म्हटलंय.

आनंदची कथा नव्या पिढीला समजली पाहिजे. आनंदच्या रिमेकमधून नव्या पिढीसमोर एक चांगले कथानक पुढे आणण्याचा प्रयत्न केला जाईल असे निर्माते समीर राज सिप्पी यांनी म्हटले आहे.

आनंद सिनेमातील संवाद आणि गाण्यांनी लाेकांना खूप भूरळ घातली हाेती. आता पुन्हा आनंद येत असल्याने नव्या पिढीला त्याची उत्सुकता लागली आहे. त्यामुळेच आज आनंदचा ट्विटरवर ट्रेंड हाेता.

Edited By : Siddharth Latkar