अभिनेत्री अमृता खानविलकर मराठी सिनेविश्वावतील आघाडीची अभिनेत्री आहे. अमृताने मराठीसह हिंदी मालिका आणि चित्रपटांमध्ये काम केले आहे. तसेच तिने अनेक रिअलिटी शो देखील गाजवले आहेत.
अमृता खानविलकर अभिनेत्री आणि उत्तम नृत्यांगना आहे. तिच्या 'वाजले की बारा' या लावणीची क्रेज अजूनही प्रेक्षकांनामध्ये पाहायला मिळते. तिची 'चंद्रा' ही लावणी देखील खूप गाजत आहे.
अमृता खानविलकरने नुकतीच झीमराठीवरील अवधूत गुप्तेचा शो 'खुपते तिथे गुप्ते'ला हजेरी लावली होती. या शोमध्ये अमृताने अनके गोष्टीचा उलघडा आणि खुलासा केला.
कार्यक्रमादरम्यान अमृता खानविलकरला अवधूत गुप्तेने एक फोटो दाखवला. तसेच त्या फोटोतील व्यक्तीविषयी खुपणारी गोष्ट सांगायला सांगितली. तो फोटो अमृताचा नवरा हिमांशूचा होता.
अमृता आणि हिमांशू यांचे २०१५ साली लग्न झाले. हिमांशू हिंदी टेलिव्हिजनवरील अभिनेता आहे. एका डान्स रिऍलिटी शोमुळे दोघे खूप प्रसिद्ध झाले.
हिमांशूविषयी खुपणारी गोष्ट सांगताना अमृता म्हणाली, 'हिमांशू मल्होत्रा माझे पती आहेत. त्याच्या अनेक गोष्टी मला खुपतात. पण मी त्या सगळ्या सांगू शकत नाहीत. जवळपास २० वर्ष आम्ही एकमेकांना ओळखतो.'
अमृता खानविलकर पुढे म्हणाली, 'आमचं नातं खूप छान आहे. त्याला मला काही गोष्टी खुपतात. त्यातील एक म्हणजे मी कोणालाच घाबरत नाही. पण तो प्रत्येक गोष्टीला घाबरतो. तो घरात मोठा आहे. त्याचे वडील खूप लवकर गेले. त्यामुळे सगळी जबाबदारी हिमांशूवर आली. ही माझी खुपणारी गोष्ट आहे. तो घाबरट नसता तर आमचं आयुष्य खुप वेगळं असतं.' (Latest Entertainment News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.