Amitabh Bachchan To Kartik Aaryan 1st Salary : बॉलिवूडमध्ये नशीब चमकण्याची अनेकांची ईच्छा असते. अनेक कलाकारांना बॉलिवूडमध्ये काम मिळवण्यासाठी संघर्ष खूप संघर्ष केला. अनेक कलाकारांनी मिळेल त्या पैशात त्यांच्या पहिल्या चित्रपटामध्ये काम केले.

या कलाकारांमध्ये अगदी महानायक अमिताभ बच्चन ते कार्तिक आर्यन यांची नावं येतात. चित्रपटसृष्टीत आता करोडोंचे मानधन घेणाऱ्या या कलाकारांचे पहिले मानधन माहीत आहे का? चला तर जाणून घेऊया या सुपरस्टारचे पहिले मानधन. (Latest Entertainment News)

अमिताभ बच्चन

अभिनय क्षेत्रातील महानायक म्हणून अमिताभ बच्चन यांना ओळखले जाते जाते. बॉलिवूडमधील अमिताभ बच्चन यांचा प्रवास काही सोप्पा नव्हता. महानायक अमिताभ बच्चन यांनी 'सात हिंदुस्तानी' या चित्रपटातून इंडस्ट्रीत पदार्पण केले. त्यांना या चित्रपटासाठी पाच हजार इतके मानधन मिळाले होते. सात हिंदुस्तानी या चित्रपटानंतर अमिताभ बच्चन यांनी कधीच मागे वळून पाहिले नाही.

शाहरुख खान

बॉलिवूडचा किंग खान म्हणून शाहरुख खानने बॉलिवूडमध्ये आपले नाव कमावले आहे. शाहरुख खानने टीव्हीतून अभिनयक्षेत्रात पदार्पण केले होते. त्यानंतर 'दिवाना' चित्रपटातून त्याने बॉलिवूडमध्ये पदार्पण केले. शाहरुखच्या या चित्रपटातून शाहरुखने क्रेझ बॉलिवूडमध्ये निर्माण केली. दिवाना चित्रपटासाठी शाहरुखन ४ लाखाचं मानधन घेतले होते.

आमिर खान

आमिर खान हा नेहमीच आपल्या अभिनयाने प्रेक्षकांची मन जिंकत असतो. आमिर खानने होम प्रोडक्शन असलेल्या 'कयामत से कयामत तक' चित्रपटातून बॉलिवूडमध्ये पदार्पण केले. आमिरला या चित्रपटासाठी ११ हजार एवढे मानधन दिले होते.

अक्षय कुमार

बॉलिवूडचा खिलाडी म्हणून अक्षय कुमार प्रसिद्ध आहे. आपल्या अॅक्शनने अक्षयने नेहमीच प्रेक्षकांची मनं जिंकली आहेत.अक्षय कुमारने आपल्या करिअरची सुरवात 'सौंगध' या चित्रपटातून केली. अक्षयला या चित्रपटासाठी ५१ हजार रुपये इतके मानधन दिले होते.अक्षयने त्यांनंतर कधीच मागे वळून पाहिले नाही. आणि आज बॉलिवूडमध्ये अॅक्शन हिरो म्हणून स्वतः ची ओळख निर्माण केली आहे.

सलमान खान

बॉलिवूडचा भाईजान म्हणून सलमान खानने नावलौकिक कमावले आहे.सलमान खानला खरी ओळख ही 'मैंने प्यार किया' या चित्रपटामुळे मिळाली.तरीही सलमान खानने 'बीवी हो तो ऐसी' या चित्रपटातून बॉलिवूडमध्ये पदार्पण केले.सलमानला या चित्रपटासाठी ११ हजर इतके मानधन दिले होते. यानंतर सलमानच्या प्रगतीचा आलेख हा उंचावतच गेला.

कार्तिक आर्यन

लाखो तरुणाईची धडकन, चॉक्लेट बॉय अशी कार्तिक आर्यनची ओळख आहे. कार्तिक आर्यन आपल्या अभिनयाने नेहमीच प्रेक्षकांची मन जिंकत असतो. कार्तिक ने 'प्यार का पंचनामा' या चित्रपटातून बॉलिवूडमध्ये पदार्पण केलें. कार्तिकने या चित्रपटासाठी १.२५ लाख रुपयांचे मानधन आकारले होते. सध्या बॉलिवूडचा आघाडीचा अभिनेता म्हणून कार्तिक आर्यन ओळखला जातो.