मुंबई: बॉलिवूडचे क्यूट कपल रणबीर कपूर (Ranbir Kapoor) आणि आलिया भट्ट (Alia Bhatt) लवकरच आई-बाबा होणार आहेत. अभिनेत्री आलिया भट्ट सध्या तिच्या प्रेग्नंसीचे दिवस एन्जॉय करते आहे. दरम्यान, लवकरच कपूर कुटुंबात आनंद दरवळणार आहे. आलिया भट्टची आई सोनी राजदान आणि सासू नीतू कपूर विशेष नियोजन करत आहेत. आई सोनी राजदान अलियाच्या डोहाळे जेवणाच्या कार्यक्रमाची तयारी करत असल्याचे वृत्त समोर आले आहे.

मिळालेल्या माहितीनुसार, येत्या काही दिवसांत कपूर कुटुंबात लहान बाळाचे आगमन होणार आहे. याचदरम्यान, बाळाची होणारी आजी त्याच्या स्वागतासाठी खास प्लानिंग करत आहे. कपूर आणि भट्ट कुटुंब आलियाच्या डोहाळे जेवणाच्या कार्यक्रमाची तयारी करत आहेत. विशेष म्हणजे आलियाच्या डोहाळे जेवणाच्या या कार्यक्रमात केवळ महिलांचा सहभाग असणार आहे.

आलियाचा डोहाळे जेवणाचा कार्यक्रम हा मुंबईत होणार आहे. मात्र अभिनेत्री आलियाचा डोहाळे जेवणाचा कार्यक्रम हा तिच्या लग्नाप्रमाणे घरी अथवा बाहेर होईल हे अद्याप स्पष्ट झालेले नाही. अलीकडेच आलियाच्या डोहाळे जेवणाच्या कार्यक्रमातील पाहुण्यांची नावे देखील समोर आली आहेत. माहितीनुसार, शाहीन भट्ट, रणबीरच्या बहिणी करीना कपूर खान, करिश्मा कपूर, आकांक्षा रंजन सिंग, नव्या नंदा, श्वेता बच्चन, आरती शेट्टी यांच्यासह तिच्या बालपणीच्या मैत्रिणी आलियाच्या डोहाळे जेवणाच्या कार्यक्रमात सहभागी होणार आहेत.

वर्कफ्रंटविषयी बोलायचे तर, नुकताच रणबीर कपूर आणि आलिया भट्ट यांचा 'ब्रह्मास्त्र' चित्रपट प्रदर्शित झाला आहे. जो बॉक्स ऑफिसवर धुमाकूळ घालत आहे. या चित्रपटाने ५ दिवसांत १५० कोटींहून अधिक गल्ला जमवला आहे. चित्रपटातील आलिया भट्ट आणि रणबीर कपूरची केमिस्ट्री प्रेक्षकांना भावते आहे.