बॉलिवूडचा खिलाडी म्हणजे अक्षय कुमारचा आज वाढदिवस आहे. आज त्याच्या वाढदिवशी त्याने त्याच्या आगामी चित्रपटाचा टीझर शेअर केला आहे.
या नवीन चित्रपटाच्या टीझर अप्रतिम आहे. या टीझरमध्ये आपल्याला अनेक दिग्गज कलाकार दिसत आहेत. या मल्टीस्टारर चित्रपटामध्ये अक्षय कुमारसह परेश रावल दिशा पटनी, जॅकलिन फर्नांडिस, रविना टंडन, लारा दत्ता, अरशद वारसी, संजय दत्त, सुनील शेट्टी, जॉनी लिव्हर, श्रेयस तळपदे, तुषार कपूर आहेत.
हे सगळे स्टार एक गाणं गात आहेत. दरम्यान मधेच आलेल्या सुरेल आवाज ऐकून तुम्हाला धक्का बसेल करा. कारण मिका सिंग आणि दिलेर मेहेंदी 'तुनक तुनक तू' गात आहेत.
अक्षय कुमारने हा टीझर शेअर करत लिहिले आहे की, 'स्वतःला आणि तुम्हा सर्वांना आज एक बर्थडे गिफ्ट दिले आहे. जर तुम्हाला आवडले असेल तर तुम्ही थँक्स म्हणा, मी वेलकम ३ म्हणालो का? वेलकम टू द जंगल'
तसेच २० डिसेंबर २०२४ ला चित्रपट प्रदर्शित होणार असल्याचे देखील अक्षय कुमारने सांगितले आहे.
अक्षय कुमार, कतरिना कैफ, परेश रावल, नाना पाटेकर, अनिल कपूर यांचा वेलकम २००७ साली प्रदर्शित झाला होता. त्यानंतर ८ वर्षांनी २०१५ला वेलकम बॅक प्रदर्शित झाला. आता पुन्हा ८ वर्षांनी २०२३ साली वेलकम ३ आपल्या भेटीला येत आहे.
यावेळी या चित्रपटाची थीम जंगल आहे. टीझरमध्ये सगळे कलाकार हातात हत्यार घेऊन आहेत. यावेळी वेलकम ३ बघताना तुफान धमाल येणार आहे. (Latest Entertainment News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.