आज सर्वत्र गोकुळाष्टमी हा सण मोठ्या उत्साहात साजरा होत आहे. प्रत्येकजण मोठ्या भक्तीभावाने श्रीकृष्णाच्या भक्तीत तल्लीन झाले आहेत. मनोरंजनविश्वातील कलाकरांनी चाहत्यांना गोकुळाष्टमीच्या शुभेच्छा दिल्या आहेत. अभिनेत्री ऐश्वर्या नारकर यांनी देखील चाहत्यांना अनोख्या अंदाजात गोकुळाष्टमीच्या शुभेच्छा दिल्या आहेत.

ऐश्वर्या नारकर यांनी गोकुळाष्टमीनिमित्त 'कशी मी जाऊ मथुरेच्या बाजारी' या गाण्यावर डान्स केला आहे. इन्स्टाग्राम हॅडलवर त्यांनी हा व्हिडीओ पोस्ट करत कॅप्शनमध्ये, गोकुळाष्टमीच्या शुभेच्छा चाहत्यांना दिल्या आहेत.

या व्हिडीओमध्ये ऐश्वर्या नारकर यांनी पारंपारिक लूकमध्ये पिवळ्या रंगाची काठाची साडी परिधान केली आहे. सोशल मीडियावर ऐश्वर्या नारकर यांचा हा सुंदर डान्स पाहून नेटकऱ्यांनी लाईक्स आणि कमेंट्सचा वर्षाव केला आहे. ऐश्वर्या नारकर या सध्या सातव्या मुलीची सातवी मुलगी या मालिकेतून प्रेक्षकांचे मनोरंजन करत आहेत. मालिकेत ऐश्वर्या नारकर या नव्या भूमिकेतून प्रेक्षकांसमोर पाहायला मिळत आहेत.