शाहीर शेख यांच्या परिवासरासाठी आज दुःखाचा दिवस आहे. कोविडमुळे व्हेंटिलेटरवर असलेले त्यांचे वडील शाहनवाज शेख यांचे आज निधन झाले आहे. शाहीरने अलीकडेच त्याच्या चाहत्यांना माहिती दिली होती की, त्याच्या वडिलांना कोविड-19 मुळे (Covid -19) रुग्णालयात दाखल करण्यात आले आहे. कोविड-19 संसर्गामुळे त्यांची तब्येत अत्यंत गंभीर होती आणि व्हेंटिलेटरवर होते. 'कुछ रंग प्यार के ऐसे भी' या हिंदी मालिकेत काम करत असलेल्या या अभिनेत्याने अद्याप त्याच्या वडिलांच्या मृत्यूबद्दल सोशल मीडियावर काही पोस्ट केलेले नाही. परंतु अभिनेता अली गोनीने या बातमीला दुजोरा दिला आहे. (Shaheer Sheikh's Father Dies)

अभिनेता अली गोनीने आज, 20 जानेवारी रोजी शाहीरच्या वडिलांच्या निधनाबद्दल ट्विट केले. त्यांनी लिहिले आहे.

जेव्हा शाहीर शेखने आपल्या चाहत्यांना वडिलांसाठी प्रार्थना करण्याची विनंती केली

18 जानेवारी रोजी, शाहीर शेखने ट्विटरवर आपल्या सांगितले की, त्यांच्या वडिलांची प्रकृती चिंताजनक आहे. त्याने त्याच्या चाहत्यांना सांगितले होते की, त्याच्या वडिलांना कोरोनाव्हायरसचा संसर्ग झाला होता आणि ते रुग्णालयात दाखल होते. त्याने ट्विटरवर ही बातमी त्याच्या फॉलोअर्ससोबत शेअर केली आणि लिहिले, "माझे वडील व्हेंटिलेटरवर आहेत, गंभीर कोविड संसर्गाने त्रस्त आहेत, कृपया त्यांच्या प्रकृतीसाठी प्रार्थना करा." शाहीरने वडिलांचा फोटोही शेअर केला होता.