मुंबई : 'कसौटी जिंदगी की' या प्रसिद्ध सिरीयलमधील कोमोलिका म्हणून प्रसिद्ध असलेली अभिनेत्री उर्वशी ढोलकिया हिच्या कारला अपघात झाल्याची घटना समोर आली आहे. उर्वशी ढोलकिया शनिवारी या अपघतात थोडक्यात बचावली.

उर्वशी ढोलकिया एका फिल्म स्टुडिओत शूटिंगसाठी जात असताना एका स्कूल बसने तिच्या कारला मागून धडक दिली. ही सर्व घटना काशिमीरा येथे घडली.

मिळालेल्या माहितीनुसार, उर्वशी ढोलकिया तिच्या कारमधून मीरा रोड येथे फिल्म स्टुडिओमध्ये शूटिंगसाठी निघाली होती. मात्र त्याचदरम्यान काशिमिरा येथे मुलांना घेऊन जाणाऱ्या स्कूल बसने उर्वशी ढोलकियाच्या कारला मागून धडक दिली. (Latest News Marathi)

उर्वशीने स्कूल बस चालकाविरुद्ध पोलिस ठाण्यात गुन्हा दाखल केला. या अपघातात गाडीचे किरकोळ नुकसान झाले आहे.

उर्वशी ढोलकियाच्या कारकिर्दीबद्दल सांगायचे तर, तिला सर्वात जास्त प्रेम ‘कसौटी जिंदगी की’मधून मिळाले. तिने मुख्य अभिनेत्री म्हणून नव्हे तर खलनायक म्हणून सर्वांची मने जिंकली. यानंतर उर्वशीने नाग बनूनही लोकांच्या मनात भीती निर्माण केली. नागिन 6 मध्येही ती खलनायकाच्या भूमिकेत दिसली होती. कामापेक्षा उर्वशीच्या वैयक्तिक आयुष्यानेही लोकांना खूप आश्चर्यचकित केले.