Actress Mother Death: टीव्ही आणि ओटीटी विश्वात स्वतःची वेगळी ओळख निर्माण करणारी लोकप्रिय अभिनेत्री शिवांगी वर्मा सध्या अतिशय कठीण काळातून जात आहे. अभिनेत्रीच्या आईचे निधन झाले असून ही दुःखद बातमी तिच्या टीमने सोशल मीडियावर पोस्ट केली आहे. या घटनेनंतर मनोरंजन विश्वात हळहळ व्यक्त केली जात असून चाहते आणि कलाकारांकडून अभिनेत्रीला धीर दिला जात आहे.

‘भुतू’, ‘हमारी सिस्टर दीदी’ आणि ‘हसरतें ३’ यांसारख्या मालिकांमधून घराघरात पोहोचलेली शिवांगी वर्मा आपल्या अभिनयामुळे विशेष लोकप्रिय ठरली होती. छोट्या पडद्यापासून ते डिजिटल प्लॅटफॉर्मपर्यंत तिने स्वतःचे मजबूत स्थान निर्माण केले. मात्र आता तिच्या आयुष्यातील अत्यंत जवळची व्यक्ती हरवल्याने ती पूर्णपणे हादरली आहे.

शिवांगीच्या टीमने सोशल मीडियावर शेअर केलेल्या पोस्टमध्ये म्हटले आहे की, शिवांगी सध्या सोशल मीडियावर सक्रिय नाही; कारण आईच्या निधनामुळे ती सध्या दुखात आहे. हा तिच्यासाठी आणि तिच्या कुटुंबासाठी अत्यंत कठीण काळ आहे आणि अशा वेळी त्यांना प्रेम, प्रार्थना आणि आधाराची नितांत गरज आहे. शिवांगी लवकरच परत येईल, परंतु तूर्तास तिला थोडा वेळ आणि एकांत (प्रायव्हसी) आवश्यक आहे. या कठीण काळात अभिनेत्रीच्या पाठीशी खंबीरपणे उभे राहावे आणि तिच्या कुटुंबासाठी प्रार्थना कराव्यात.

या पोस्टनंतर सोशल मीडियावर चाहत्यांकडून अभिनेत्रीला धीर देणाऱ्या आणि तिच्या दिवंगत आईला श्रद्धांजली वाहणाऱ्या अनेकांनी कमेंट्स आल्या आहेत.काही चाहत्यांनी “देव त्यांच्या आत्म्यास शांती देवो” अशा भावना व्यक्त केल्या, तर अनेकांनी शिवांगीला या दुःखातून सावरण्याची ताकद मिळो, अशी प्रार्थना केली. मनोरंजन क्षेत्रातील कलाकारांनीही अभिनेत्रीच्या पाठीशी उभे राहत तिला मानसिक आधार दिला आहे.