छोट्या पडद्यावरील लोकप्रिय अभिनेत्री रूपाली भोसले सध्या चर्चेत आहे. रूपालीने आजवर अनेक नाटक आणि मालिकांमध्ये काम केले आहे. रूपाली सध्या आई कुठे काय करते या मालिकेत काम करत आहे. या मालिकेत रूपाली संजनाच्या भूमिकेत आहे. रूपालीने नुकतंच सोशल मीडियाद्वारे चाहत्यांना गुडन्यूज दिली आहे. दिवाळीच्या शुभमुहूर्तीवर रूपालीने अलिशान कार खरेदी केली आहे.

रूपालीने तिच्या सोशल मिडिया अकाऊंटवर एक व्हिडीओ शेअर केली आहे. रूपालीने नवीकोरी अलिशान कार खरेदी केली आहे. रूपाली संपूर्ण कुटुंबासह कारची पूजा केली आहे. तसेच केक देखील कापला आहे. रूपाली मराठमोळ्या अंदाजात फारच सुंदर दिसत आहे. व्हिडीओला रूपालीने "आमच्या घरी स्वागत आहे आणि कारचा इमोजी" असं कॅप्शन दिला आहे.

सोशल मीडियावर रूपालीच्या व्हिडीओवर सेलिब्रिटीसह चाहत्यांनी लाईक्स आणि कमेंट्सचा वर्षाव केला आहे. यावर एका नेटकऱ्याने, एक स्त्री आपल्या घरासाठी खूप काही करू शकते, अभिनंदन, वाह खूप छान आणि दिवाळीच्या हार्दिक शुभेच्छा दिल्या आहेत.

याचवर्षी जून महिन्यात अभिनेत्री रुपाली भोसलेने मुंबईत स्वतःचं हक्काचं घर घेतलं. या घराची वास्तुशांती तिने पारंपरिक पद्धतीने आणि मोठ्या थाटामाटात केली. रुपालीच्या घराच्या वास्तुशांतीच्या कार्यक्रमाला इंडस्ट्रीतील अनेक कलाकारांनी खास उपस्थिती लावली होती. याचे फोटो आणि व्हिडीओ व्हायरल झाले.