वर्धा : हिंगणघाट तालुक्यातील पिंपळगाव (माथनकर) येथे १७ वर्षीय युवकाचा चाकूने भोसकून खून करण्यात आला. हिमांशू किशोर चिमणे (वय १७, राहणार - संत कबीर वार्ड, हिंगणघाट) असे मृत युवकाचे नाव आहे. या प्रकरणी मानव धनराज जुगनाके (वय २१) आणि 'अनिकेत धनराज जुगनाके (वय २२) या दोघांविरुद्ध हिंगणघाट पोलीस ठाण्यात गुन्हा दाखल करण्यात आला आहे.

पोस्टमधून सुरू झालेला वाद थेट हत्येपर्यंत

सुमारे दीड महिन्यापूर्वी हिमांशू आणि मानव यांनी इंस्टाग्रामवर स्टोरी पोस्ट केली होती. एका पोस्टला अधिक लाईक्स आणि कमेंट्स मिळाल्या, तर दुसऱ्याला कमी यावरून दोघांमध्ये वाद झाला. जो हाणामारीपर्यंत येऊन पोहोचला होता. मात्र, तो तिथेच संपला नाही. काही दिवसांनी हिमांशूने पुन्हा 'बाब तो बाप रहेगा' अशी स्टोरी पोस्ट केली. यावरून दोघांमध्ये वाद सुरू झाला. वाद मिटावा म्हणून हिमांशू स्वतः मानवाच्या घरी गेला. मात्र, तिथे दोघांमध्ये पुन्हा बाचाबाची झाली. यावेळी संतप्त झालेल्या हिमांशूने मानवला चापट मारली.

वाद मिटावा म्हणून हिमांशू स्वतः मानवाच्या घरी गेला. मात्र, तिथे दोघांमध्ये पुन्हा बाचाबाची झाली. यावेळी संतप्त झालेल्या हिमांशूने मानवला चापट मारली. त्यानंतर वाद अधिकच चिघळला. हा वाद सोडवण्यासाठी मानवचा भाऊ मध्यस्थी करण्यासाठी पुढे आला.त्यावेळी हिमांशूने जवळ असलेले धारधार शस्त्र काढून मानववर सपासप वार केले. मानववर झालेल्या हल्ल्यानंतर त्याने स्वतःचा बचाव करण्याचा प्रयत्न केला. त्याच वेळी अनिकेतनेही हस्तक्षेप केला.

त्यानंतर दोघांनीच हिमांशूच्या मानेवर व छातीवर सपासप वार केले. रक्ताच्या थारोळ्यात कोसळलेल्या हिमांशूचा जागीच मृत्यू झाला.या हाणामारीत आरोपी अनिकेत जुगनाके देखील गंभीर जखमी झाला. प्राथमिक उपचारानंतर त्याला वर्धा येथे हलवण्यात आले आहे. या धक्कादायक घटनेमुळे हिंगणघाट परिसरात एकच खळबळ उडाली असून सदर घटनेचा पोलीस अधिक तपास करत आहेत.