रायबरेलीतील मॉडर्न रेल्वे कोच फॅक्टरीच्या निवासी संकुलातून एक मनहेलावून टाकणारी घटना समोर आली आहे. या फॅक्टरीतील अतिरिक्त वैद्यकीय अधिकाऱ्यांने पत्नी आणि दोन मुलांची हत्या करून स्वत: गळफास घेऊन आत्महत्या केल्याची धक्कादायक घटना घडली असून रायबरेलीत खळबळ माजली आहे. डॉक्टर अरुण कुमार सिंह, त्यांची पत्नी अर्चना, मुलगा आरव आणि मुलगी अदिवा अशी मृतांची नावे आहेत.
पोलिसांनी दिलेल्या माहितीनुसार, सदर प्रकरण लालगंज कोतवाली येथील मॉडर्न रेल्वेकोच फॅक्टरीच्या निवासी संकुलातील आहे. इथे राहात असलेले डॉक्टर अरुण कुमार यांनी पत्नी आणि आपल्या दोन मुलांनी आधी नशेच इंजक्शन दिले. त्यानंतर हातोड्याने वार करून तिघांचीही हत्या केली. यानंतर त्याने स्वत: गळफास घेऊन आत्महत्या केली. दरम्यान एकाचवेळी एकाच कुटुंबातील चार जणांचा अशाप्रकारे अंत झाल्यामुळे खळबळ माजली आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
आरपीएफने याची माहिती पोलिसांनी दिल्यानंतर तात्काळ पोलीस घटनास्थळी दाखल झाले. एसपी, अतिरिक्त एसपी, सीओ आणि फॉरेन्सिक टीम घटनास्ळी पोहोचले. दरवाजा आतून बंद होता त्यामुळे पोलिसांनी दरवाजा तोडून आत प्रवेश केला. डॉक्टरचा मृतदेह घरात लटकेल्या स्थिती आढळून आला. तर बाकीच्याचे मृतदेह रक्ताच्या थारोळ्यात बेडवर पडले होते.
गेल्या काही दिवसांपासून डॉ. अरुण कुमार माणसिक तणावात होते. दरम्यान रविवारी त्याला शेवटचे पाहण्यात आले होते. त्यानंतर ते कोणालच दिसले नसल्यामुळे संशय बळावला होता. घटनास्थळी अमली पदार्थांचे इंजेक्शन सापडले आहेत. शवविच्छेदनानंतर याबाबत अधिक माहिती मिळेल अशी माहिती पोलिसांनी दिली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.