(रणजीत माजगावकर, कोल्हापूर)

Stones Pelting On Picnic Bus In Kolhapur :

कोल्हापुरातील ऐतिहासिक दसरा चौक येथे एका शालेय सहलीच्या बसवर दगडफेक झाल्याची घटना घडलीय. दगडफेक झाल्यानंतर जमाव पसार झालाय. सहलीच्या बसवर दगडफेक झाल्यानंतर परिसरात तणाव निर्माण झाला असून पोलिसांनी मोठा पोलीस बंदोबस्त तैनात केलाय.(Latest News)

काही अज्ञातांकडूनी ही दगडफेक करण्यात आली आहे. घटनेची माहिती मिळताच पोलीस घटनास्थळी दाखल झाले आहेत. शहरात आज सकाळपासून अतिक्रमणच्या मुद्द्यावरुन गोंधळ सुरू होता. त्यात आज संध्याकाळी वाहनांवर दगडफेक झाल्याचा प्रकार समोर आलाय. दरम्यान पोलिसांनी याप्रकरणाचा तपास सुरू केलाय.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कोल्हापूरमध्ये सध्या अंबाबाईच्या दर्शनासाठी मोठी गर्दी येत आहे. तसेच शाळेच्या सहलीदेखील कोल्हापुरात येत आहेत. या सर्व भाविक आणि पर्यटकांच्या गाड्यांची पार्किंगची व्यवस्था दसरा चौकच्या पार्किंगमध्ये करण्यात आलेली आहे.या ठिकाणी उभ्या असलेल्या शाळेच्या एका बसवर अज्ञातांनी दगडफेक केली. त्याचबरोबर आणखी दोन चारचाकी वाहनांची तोडफोड अज्ञातांनी केलीय. पोलिसांनी या घटनेची गंभीर दखल घेतली आहे. नेमकी घटना काय झाली आहे, दगडफेक का झाली, कोणी केली? याचा शोध पोलिसांकडून घेतला जात आहे.